Ajinkya Rahane: ఐపీఎల్‌లో ఆటగాడి ప్రదర్శనపై ధర ఎలాంటి ప్రభావం చూపదు: కోల్‌కతా కెప్టెన్ అజింక్య రహానె
ఈ వార్తాకథనం ఏంటి
కోల్‌కతా నైట్‌రైడర్స్‌ (KKR)లో ఖరీదైన ఆటగాడు, వైస్‌ కెప్టెన్ వెంకటేశ్ అయ్యర్ ఈ సీజన్‌లో పేలవ ప్రదర్శనతో విఫలమయ్యాడు. దీని కారణంగా అతడిపై విమర్శలు వెల్లువెత్తాయి. దీనిపై జట్టు కెప్టెన్ అజింక్య రహానె (Ajinkya Rahane) స్పందించాడు. ఆటగాడి ధర అతడి ప్రదర్శనపై ప్రభావం చూపదని స్పష్టం చేస్తూ, అయ్యర్‌కు బలంగా మద్దతుగా నిలిచాడు. రూ.20కోట్లకు పైగా ఇచ్చినంత మాత్రాన.. ఆటగాడు రెట్టింపు కష్టపడాలి అన్న అంచనాలు సరైనవి కాదని అభిప్రాయపడ్డాడు.
వివరాలు
ఆటగాళ్ల ప్రవర్తనలో వేతనాల ప్రకారం ఎలాంటి తేడా ఉండదు
''ఒక ఆటగాడు రూ.20 కోట్లు లేదా అంతకన్నా ఎక్కువ సంపాదిస్తున్నాడని చెప్తే, దానికి అనుగుణంగా అతడు రెట్టింపు శ్రమ చేయాల్సిన అవసరం లేదు. అదే విధంగా, రూ.కోటీ, రెండు కోటీ, మూడు కోట్ల తీసుకున్నఆటగాళ్లు తక్కువ వేతనం కారణంగా మ్యాచ్‌ను లైట్‌గా తీసుకుంటారనడం కూడా అర్థరహితం. ఒకసారి మైదానంలోకి దిగిన తర్వాత అందరూ సమానంగా ఆడతారు. ఆటగాళ్ల ప్రవర్తనలో వేతనాల ప్రకారం ఎలాంటి తేడా ఉండదు. అదే విషయం ఇక్కడ ప్రధానమైనది.మన నియంత్రణలో ఉన్న విషయాలపై దృష్టి పెట్టడమే ముఖ్యం. వెంకటేశ్ అయ్యర్ కూడా అదే దిశగా తన దృష్టిని కేంద్రీకరించాడు.వెంకటేశ్ అయ్యర్ కూడా అలాగే ఫోకస్‌ చేశాడు.
వివరాలు
వెంకటేశ్ అయ్యర్ కి మెగా వేలాలో రూ.23.75 కోట్ల భారీ మొత్తం
ఏ ఆటగాడైనా ఒక దశలో పేలవ ప్రదర్శనకు లోనవుతాడు. దీనికి కారణం అతడి ధర కాదు. అయ్యర్ తన ధర గురించి ఆలోచించడని నమ్మకంగా చెబుతున్నాను,'' అని రహానె వివరించాడు. గత ఏడాది ఐపీఎల్‌ ట్రోఫీని దక్కించుకున్న కోల్‌కతా నైట్‌రైడర్స్‌ ఈ సారి మాత్రం ఆ స్థాయిలో ఆకట్టుకోలేకపోయింది. మెగా వేలాలో రూ.23.75 కోట్ల భారీ మొత్తం వెచ్చించి తీసుకున్న వెంకటేశ్ అయ్యర్ ఈ సీజన్‌లో నిరాశపరిచాడు. అతడు కేవలం 20.28 బ్యాటింగ్ సగటుతో 142 పరుగులు మాత్రమే చేశాడు. అతనితో పాటు గత సీజన్‌లో జట్టు విజయానికి కీలకంగా నిలిచిన రింకూ సింగ్‌, ఆండ్రే రసెల్‌, రమన్‌దీప్‌ సింగ్‌ లాంటి ఆటగాళ్లు కూడా ఈసారి తమ అత్యుత్తమ ప్రదర్శన చూపలేకపోయారు.
వివరాలు
వచ్చే సీజన్‌లో మేం మరింత బలంగా తిరిగి వస్తాం
ఈ అంశంపై కూడా రహానె స్పందించాడు. ''ఐపీఎల్‌ ఛాంపియన్‌షిప్‌ను గెలవడం ఎంతగానో కష్టమైన విషయం. మరింత కష్టం దానిని నిలబెట్టుకోవడమే. మేము జట్టుగా అద్భుతమైన ప్రదర్శన ఇవ్వడానికి యత్నించాం. కానీ కొన్ని సందర్భాల్లో అపజయాలు అనివార్యమవుతాయి. అయినా, వచ్చే సీజన్‌లో మేం మరింత బలంగా తిరిగి వస్తాం,'' అంటూ రహానె ధైర్యం నూరిపోసాడు.