James Anderson: ఇంగ్లండ్ వెట‌ర‌న్ పేస‌ర్'కు అరుదైన గౌరవం.. 'నైట్హుడ్' బిరుదును స్వీక‌రించిన లెజెండ్
ఈ వార్తాకథనం ఏంటి
ఇంగ్లండ్ సీనియర్‌ ఫాస్ట్‌ బౌలర్‌ జేమ్స్‌ అండర్సన్‌ (James Anderson)కి అరుదైన గౌరవం లభించింది. 21 సంవత్సరాలుగా జాతీయ జట్టుకు చేసిన అసాధారణ సేవలకు గుర్తింపుగా ఆయనకు ప్రతిష్టాత్మకమైన 'నైట్హుడ్' (Knighthood) బిరుదు లభించింది. విండ్సర్‌ కాసిల్‌లో మంగళవారం అద్భుతంగా నిర్వహించిన వేడుకలో బ్రిటన్‌ రాజకుమారి ప్రిన్సెస్‌ ఆన్‌ (Princess Anne) చేతుల మీదుగా అండర్సన్‌ ఈ గౌరవాన్ని స్వీకరించాడు. భార్య, పిల్లలతో కలిసి కార్యక్రమానికి హాజరైన ఆయన, అనంతరం తన "నైట్హుడ్" పతకాన్ని ప్రదర్శిస్తూ ఆనందం వ్యక్తం చేశాడు. ఇకపై ఆయన పేరుకు ముందు అధికారికంగా "సర్‌" (Sir) అనే పదం జోడించబడనుంది. ఈ గౌరవానికి అండర్సన్‌ను బ్రిటన్‌ మాజీ ప్రధానమంత్రి రిషి సునాక్‌ (Rishi Sunak) సిఫారసు చేశారు.
వివరాలు
12 మంది ఇంగ్లండ్ మాజీ క్రికెటర్లకు ఈ ప్రతిష్ఠాత్మక బిరుదు
కన్జర్వేటివ్‌ పార్టీ నాయకుడు నామినేట్‌ చేసిన రెండవ మాజీ క్రికెటర్‌గా అండర్సన్‌ గుర్తింపు పొందాడు. 2019లో అప్పటి ప్రధాని థెరీసా మే జెఫ్రీ బాయ్‌కాట్‌ను నైట్హుడ్ అవార్డుకు ఎంపిక చేశారు. ఈ గౌరవంతో అండర్సన్‌ తన మాజీ సహచరులు ఆండ్రూ స్ట్రాస్‌, అలెస్టర్‌ కుక్‌ సరసన నిలిచాడు. ఇప్పటివరకు కేవలం 12 మంది ఇంగ్లండ్ మాజీ క్రికెటర్లు మాత్రమే ఈ ప్రతిష్ఠాత్మక బిరుదును అందుకున్నారు.
వివరాలు
బాల్ క్రికెట్‌లో 704 వికెట్లతో రికార్డు
ఇంగ్లండ్ క్రికెట్‌ చరిత్రలో అత్యుత్తమ బౌలర్లలో ఒకరిగా గుర్తింపు పొందిన అండర్సన్‌, తన సుదీర్ఘ కెరీర్‌లో ఎన్నో అద్భుత విజయాలు సాధించాడు. ముఖ్యంగా టెస్టు క్రికెట్‌లో అతని ప్రదర్శన విశేషంగా నిలిచింది. ఈ ఫార్మాట్‌లో ఆయన 704 వికెట్లతో విశేష రికార్డు సృష్టించాడు. 2015 తర్వాత వన్డేలు, టీ20ల్లో పాల్గొనకపోయినా, ఇప్పటికీ ఇంగ్లండ్ తరఫున అత్యధిక వికెట్లు సాధించిన పేసర్‌గా అండర్సన్‌ రికార్డులు సృష్టించాడు. వన్డేల్లో 269 వికెట్లు, టీ20ల్లో 18 వికెట్లు సాధించి తన ప్రతిభను చాటుకున్నాడు.
ట్విట్టర్ పోస్ట్ చేయండి
ఇంగ్లండ్ వెట‌ర‌న్ పేస‌ర్'కు 'నైట్హుడ్' బిరుదు
Arise, Sir James Anderson! 🤩👏
— Lancashire Cricket (@lancscricket) October 28, 2025
A special day for @jimmy9 as he received his knighthood from Princess Anne at Windsor Castle!
The greatest fast bowler to ever do it. 🐐
🌹 #RedRoseTogether pic.twitter.com/4H9MmTcQsk