చెలరేగిన తిలక్ వర్మ.. ముంబై స్కోరు ఎంతటే!
బెంగళూర్‌లోని చిన్న స్వామి స్టేడియంలో ముంబై ఇండియన్స్, బెంగళూర్ మధ్య ఆదివారం మ్యాచ్ ప్రారంభమైంది. మొదట బ్యాటింగ్ చేసిన ముంబై ఇండియన్స్ కి శుభారంభం లభించలేదు. ఓపెనర్లు ఇషాన్ కిషన్ (10), కెప్టెన్ రోహిత్ శర్మ(1) పూర్తిగా నిరాశ పరిచారు. అనంతరం క్రీజులోకి వచ్చిన కామరూన్ గ్రీన్ (5) బౌల్డ్ కావడంతో ముంబై 20 పరుగులకే 3 వికెట్లు కోల్పోయి కష్టాల్లో పడింది. సూర్యకుమార్ యాదవ్, తిలక్ వర్మ ఇన్నింగ్స్ ను చక్కదిద్దే ప్రయత్నం చేశాడు. అనంతరం సూర్యకుమార్ యాదవ్ (15) ను బ్రాస్ వెల్ ఔట్ అయ్యాడు. వచ్చిన బ్యాటర్లు పెవిలియానికి క్యూ కడుతున్నా తిలక్ వర్మ ఒక్కడే క్రీజులో నిలబడి హాఫ్ సెంచరీ చేసి ముంబై స్కోరును పరిగెత్తించాడు.
ముంబై మిడిలార్డర్ బ్యాటర్లు విఫలం
బెంగళూరు బౌలర్లలో కరణ్ శర్మ రెండు వికెట్లు, సిరాజ్, టోప్లే, హర్షద్ పటేల్, బ్రాస్ వెల్ తలో ఓ వికెట్ తీశారు. ముంబై టాప్ ఆర్డర్ బ్యాటర్లు విఫలం కావడంతో ముంబై తక్కువ స్కోరుకే పరిమితమైంది. క్రీజులో చివరి వరకు తిలక్ వర్మ (84) నిలబడి ముంబైకి గౌరవప్రదమైన స్కోరును అందించారు. చివర్లో హర్షద్ ఖాన్ 15 పరుగులతో రాణించారు. ముంబై నిర్ణీత 20 ఓవర్లలో 7 వికెట్ల నష్టానికి 171 పరుగులు చేసింది.
