Loading...
ATP Finals: తొలి మ్యాచ్‌లోనే దుమ్ములేపిన కార్లోస్ అల్కరాజ్.. టియాఫోపై వరుస సెట్ల విజయం!
తొలి మ్యాచ్‌లోనే దుమ్ములేపిన కార్లోస్ అల్కరాజ్.. టియాఫోపై వరుస సెట్ల విజయం!

ATP Finals: తొలి మ్యాచ్‌లోనే దుమ్ములేపిన కార్లోస్ అల్కరాజ్.. టియాఫోపై వరుస సెట్ల విజయం!

వ్రాసిన వారు Jayachandra Akuri
Nov 17, 2026
12:53 pm

ఈ వార్తాకథనం ఏంటి

స్పెయిన్ టెన్నిస్ స్టార్ కార్లోస్ అల్కరాజ్ ఏటీపీ ఫైనల్స్‌ టోర్నీలో తన ప్రస్థానాన్ని ఘనంగా ప్రారంభించాడు. సోమవారం జరిగిన తొలి మ్యాచ్‌లో అమెరికా ఆటగాడు, ఈ టోర్నీకి తొలిసారి అర్హత సాధించిన ఫ్రాన్సిస్ టియాఫోను చిత్తు చేశాడు. మణికట్టు గాయం నుంచి కోలుకుంటున్న టియాఫోపై అల్‌కరాజ్ 6-2, 6-2తో వరుస సెట్లలో విజయం సాధించాడు. ఈ మ్యాచ్ కేవలం గంటకు పైగా సమయంలోనే ముగిసింది. ఈ ఏడాది యూఎస్ ఓపెన్‌లో బెన్ షెల్టన్ చేతిలో ఓటమి ఎదుర్కొన్నప్పటికీ.. అల్‌కరాజ్ ప్రస్తుతం అద్భుతమైన ఫామ్‌లో ఉన్నాడు. చివరిగా ఆడిన నాలుగు టోర్నీల్లో మూడింటిని గెలుచుకున్న అతడు.. ఈ వారం జరుగుతున్న ఏటీపీ ఫైనల్స్‌లోనూ తిరుగులేని ఆటతీరును ప్రదర్శిస్తున్నాడు.

వివరాలు

తొలి సెట్‌లో రెండుసార్లు టియాఫో సర్వీస్ బ్రేక్

మ్యాచ్ ఆరంభం నుంచే అల్‌కరాజ్ దూకుడు ప్రదర్శించాడు. తొలి గేమ్‌లోనే టియాఫో సర్వీస్‌ను బ్రేక్ చేసిన అతడు.. మూడో గేమ్‌లోనూ అదే పునరావృతం చేశాడు.

దీంతో అమెరికా ఆటగాడిపై ఒత్తిడి పెరిగింది. టియాఫో తొలి సర్వీస్‌లో ఇబ్బందులు ఎదుర్కోవడంతో పాటు రెండో సర్వీస్‌తోనూ పెద్దగా ప్రభావం చూపలేకపోయాడు.

ఈ అవకాశాన్ని సద్వినియోగం చేసుకున్న అల్‌కరాజ్ తొలి సెట్‌ను సులభంగా సొంతం చేసుకున్నాడు.

వివరాలు

పూర్తి ఆటతీరు ప్రదర్శించకుండానే విజయం

టియాఫోపై ఆధిపత్యం ప్రదర్శించిన అల్‌కరాజ్.. తన ఆటలోని అన్ని అస్త్రాలను ఉపయోగించాల్సిన అవసరం కూడా రాలేదు.

డ్రాప్‌షాట్లు, నెట్‌ ప్లే వంటి తన ప్రత్యేక నైపుణ్యాలను పూర్తిస్థాయిలో ప్రదర్శించకుండానే ప్రత్యర్థిని కట్టడి చేశాడు.

చివరకు రెండో సెట్‌లోనూ 6-2తో గెలిచి మ్యాచ్‌ను ముగించాడు.

ADVERTISEMENT