Ishan Kishan: 47 బంతుల్లో సెంచరీ.. ఇషాన్ కిషన్ మెరుపు ఇన్నింగ్స్ (వీడియో)
ఈ వార్తాకథనం ఏంటి
సీజన్లు మారినా సన్‌ రైజర్స్‌ హైదరాబాద్‌ (SRH) దూకుడు తగ్గడం లేదు. ఐపీఎల్‌ 18వ సీజన్‌లో రాజస్థాన్‌ రాయల్స్‌ (RR)తో తొలి మ్యాచ్‌లోనే అద్భుత ప్రదర్శన చేసింది.
దూకుడైన బ్యాటింగ్‌తో ఐపీఎల్‌ చరిత్రలో రెండో అత్యధిక స్కోరు నమోదు చేసింది. నిర్ణీత 20 ఓవర్లలో 6 వికెట్లు కోల్పోయి 286 పరుగులు చేసింది.
ఐపీఎల్‌లో ఇప్పటి వరకు అత్యధిక స్కోరు 287/3. ఇది గత సీజన్‌లో ఆర్సీబీపై సన్‌రైజర్స్‌నే నమోదు చేసిన రికార్డు. కానీ ఈసారి ఆ రికార్డును చెరిపివేసే అవకాశాన్ని రెండు పరుగుల తేడాతో కోల్పోయింది.
Details
ఇషాన్ కిషన్ మెరుపు సెంచరీ
సన్‌రైజర్స్‌ వికెట్‌కీపర్‌ బ్యాటర్‌ ఇషాన్ కిషన్ ఈ మ్యాచ్‌లో అద్భుత సెంచరీతో చెలరేగాడు. 47 బంతుల్లో 106 పరుగులు చేసి అజేయంగా నిలిచాడు.
అతని ఇన్నింగ్స్‌లో 11 ఫోర్లు, 6 సిక్సర్లు ఉన్నాయి. ఇంగ్లండ్‌ స్టార్‌ పేసర్‌ జోఫ్రా ఆర్చర్‌ బౌలింగ్‌లో వరుసగా రెండు సిక్స్‌లు బాది ఆకట్టుకున్నాడు.
హెడ్‌, నితీశ్, క్లాసెన్‌ విధ్వంసం
ట్రావిస్‌ హెడ్‌ కూడా విధ్వంసమైన బ్యాటింగ్‌తో రాణించాడు. 31 బంతుల్లో 67 పరుగులు చేశాడు. అతని ఇన్నింగ్స్‌లో 9 ఫోర్లు, 3 సిక్సర్లు ఉన్నాయి. మరో ఓపెనర్‌ అభిషేక్‌ శర్మ 11 బంతుల్లో 24 పరుగులు (5 ఫోర్లు) చేశాడు.
Details
రాణించిన నితీశ్ రెడ్డి
తెలుగుతేజం నితీశ్ రెడ్డి 15 బంతుల్లో 30 పరుగులు చేశాడు. అతని ఇన్నింగ్స్‌లో 4 ఫోర్లు, 1 సిక్స్‌ ఉన్నాయి. హెన్రిచ్‌ క్లాసెన్‌ 14 బంతుల్లో 34 పరుగులు చేయగా, అతని స్కోరులో 5 ఫోర్లు, 1 సిక్స్‌ ఉన్నాయి.
రాజస్థాన్‌ బౌలర్లలో తుషార్‌ దేశ్‌ పాండే 3 వికెట్లు తీశాడు. మహీశ్‌ తీక్షణ 2 వికెట్లు పడగొట్టగా, సందీప్‌ శర్మకు 1 వికెట్‌ లభించింది. స్టార్‌ పేసర్‌ జోఫ్రా ఆర్చర్‌ విఫలమయ్యాడు.
4 ఓవర్లలో 76 పరుగులు ఇచ్చి ఒక్క వికెట్‌ కూడా తీయలేకపోయాడు. ఆర్చర్‌ బౌలింగ్‌లో సన్‌రైజర్స్‌ బ్యాటర్లు పరుగుల వర్షం కురిపించారు.
ట్విట్టర్ పోస్ట్ చేయండి
ఇషాన్ కిషాన్ సూపర్ సెంచరీ
𝙏𝙝𝙖𝙩 𝙢𝙖𝙞𝙙𝙚𝙣 #TATAIPL 𝙘𝙚𝙣𝙩𝙪𝙧𝙮 𝙛𝙚𝙚𝙡𝙞𝙣𝙜 🧡
— IndianPremierLeague (@IPL) March 23, 2025
A special first for Ishan Kishan as he brought up his 💯 off just 45 balls 🔥
Updates ▶️ https://t.co/ltVZAvInEG#SRHvRR | @SunRisers | @ishankishan51 pic.twitter.com/8n92H58XbK