IPL 2026: చెన్నైతో పోరులో తడబడ్డ ముంబై ఇండియన్స్ .. చెన్నై సూపర్ కింగ్స్ విక్టరీ
ఈ వార్తాకథనం ఏంటి
ఇండియన్ ప్రీమియర్ లీగ్ (ఐపీఎల్) 2026 సీజన్లో చెన్నై సూపర్ కింగ్స్తో జరిగిన పోరులో ముంబయి ఇండియన్స్ బ్యాటింగ్ విఫలమైంది. చెపాక్ మైదానంలో టాస్ గెలిచిన ముంబై ముందుగా బ్యాటింగ్కు దిగింది. అయితే నిర్ణీత 20 ఓవర్లలో 7 వికెట్లు కోల్పోయి కేవలం 159 పరుగులకే పరిమితమైంది. లక్ష్యాన్ని చేధించేందుకు బరిలోకి దిగిన చెన్నై జట్టు 2 వికెట్లు మాత్రమే కోల్పోయి 160 పరుగులు సాధించి సులభంగా విజయం దక్కించుకుంది.
వివరాలు
పోరాడిన ముంబై..
ముంబై ఇన్నింగ్స్ ప్రారంభంలోనే తీవ్ర దెబ్బతింది. ఓపెనర్ విల్ జాక్స్ (1) రెండో ఓవర్లోనే ఔట్ అయి పెవిలియన్ చేరాడు. అయినప్పటికీ, మరో ఓపెనర్ ర్యాన్ రికల్టన్ (24 బంతుల్లో 37 పరుగులు; 5 సిక్సర్లు) నమన్ ధీర్తో కలిసి జట్టును నిలబెట్టే ప్రయత్నం చేశాడు. ఈ జంట రెండో వికెట్కు 58 పరుగులు జోడించడంతో ముంబై తిరిగి పుంజుకున్నట్లు కనిపించింది. కానీ రికల్టన్ ఔటైన వెంటనే మళ్లీ వికెట్లు వరుసగా పడుతూ జట్టు ఇబ్బందుల్లో పడింది.
వివరాలు
ముంబై ఇన్నింగ్స్ సాగిందిలా..
చెన్నై సూపర్ కింగ్స్ (CSK) యువ పేసర్ అంషుల్ కాంబోజ్ ముంబయి ఇండియన్స్ (MI) పై అద్భుత ప్రదర్శనతో మెరిశాడు. చెన్నైలోని చెపాక్ స్టేడియంలో జరిగిన ఈ మ్యాచ్లో కాంబోజ్ తన బౌలింగ్తో ప్రత్యర్థి బ్యాటర్లను కుదేలు చేశాడు. నాలుగు ఓవర్లు వేసిన అతను 32 పరుగులు ఇచ్చి మూడు కీలక వికెట్లు తీసుకున్నాడు. దీంతో ముంబై ఇండియన్స్ నిర్ణీత 20 ఓవర్లలో 7 వికెట్ల నష్టానికి 159 పరుగులకే పరిమితమైంది.
వివరాలు
టీ20ల్లో 200 సిక్సులు పూర్తి..
చెన్నై సూపర్ కింగ్స్ కెప్టెన్ రుతురాజ్ గైక్వాడ్ టీ20 క్రికెట్లో మరో కీలక మైలురాయిని చేరుకున్నారు. టీ20 ఫార్మాట్లో 200 సిక్సులు పూర్తి చేసి తన సత్తాను మరోసారి నిరూపించారు. ఇందులో 100కిపైగా సిక్సులు ఐపీఎల్లోనే రావడం విశేషం. ఈ ఫార్మాట్లో గైక్వాడ్ ఇప్పటికే 5,000కిపైగా పరుగులు నమోదు చేశారు. ఈఎస్పీఎన్ క్రిక్ ఇన్ఫో ప్రకారం, 160 మ్యాచ్లు, 154 ఇన్నింగ్స్ల్లో ఆయన 200 సిక్సులు పూర్తి చేశారు. మొత్తం మీద 5,190కిపైగా పరుగులు చేసి, సగటు 38కి పైగా, స్ట్రైక్ రేట్ దాదాపు 140తో కొనసాగుతున్నారు. ఆయన ఖాతాలో ఆరు సెంచరీలు, 36 అర్ధశతకాలు ఉన్నాయి. ఇందులో నాటౌట్గా చేసిన గరిష్ట స్కోరు 123గా ఉంది.