హైదరాబాద్‌తో పోరుకు ముందు చైన్నై సూపర్ న్యూస్.. మ్యాచ్ విన్నర్ రీ ఎంట్రీ!
ఈ వార్తాకథనం ఏంటి
ఇండియన్ ప్రీమియర్ లీగ్ లో భాగంగా చైన్నై సూపర్ కింగ్స్, నన్ రైజర్స్ హైదరాబాద్ తో నేడు తలపడునుంది. చెపాక్ వేదికగా ఈ రెండు జట్లు అమీతుమీ తేల్చుకోనున్నాయి. ఈ మ్యాచ్ కు ముందు చైన్నైకి సూపర్ న్యూస్ అందింది. ఆ జట్టు స్టార్ ఆల్ రౌండర్ బెన్ స్టోక్స్ గాయం నుంచి కోలుకున్నట్లు తెలుస్తోంది. ఇప్పటికే ప్రాక్టీస్ కూడా స్టార్ట్ చేశాడట. దీంతో ఆరెంజ్ ఆర్మీతో జరిగే మ్యాచ్ లో బరిలోకి దిగే అవకాశం ఉంది. ఈ ఆల్ రౌండర్ ప్రస్తుతం పూర్తి ఫిట్ నెస్ సాధించినట్లు తెలుస్తోంది. లక్నో సూపర్ జెయింట్స్ తో జరిగిన మ్యాచ్ లో ఫీల్డింగ్ చేస్తున్న సమయంలో బెన్ స్టోక్స్ గాయమైన విషయం తెలిసిందే.
Details
గాయం నుంచి కోలుకున్న బెన్ స్టోక్స్
గాయం నుంచి కోలుకోవడానికి వారం రోజలు విశ్రాంతి అవసరమని వైద్యులు సూచించారు. ఇప్పుడు గాయం నుంచి కోలుకొని రీఎంట్రీ ఇచ్చేందుకు సిద్ధమయ్యాడు. అయితే ఈ సీజన్ లో రెండు మ్యాచ్ లు ఆడిన స్టోక్స్ కేవలం 15 పరుగులతో నిరాశపరిచాడు. ఐపీఎల్ 2023 మినీ వేలంలో బెన్ స్టోక్స్ ను రూ.16.25 కోట్లకు సీఎస్కే కొనుగోలు చేసింది. బెన్ స్టోక్స్ రాకతో సీఎస్కే జట్టుకు మరింత బలం పుంజుకుంది.ఇక మ్యాచ్ విషయానికొస్తే.. ఈ మ్యాచ్ లో ఎస్ఆర్ హెచ్, సీఎస్కే పై నెగ్గాలంటే తీవ్రంగా పోరాడాల్సి ఉంటుంది.