IND vs AUS: కష్టకాలంలో భారత జట్టును అదుకున్న పుజారా
టీమిండియా టెస్టు స్టార్ బ్యాట్‌మెన్ చతేశ్వర్ పుజారా కష్టకాలంలో భారత జట్టును అదుకున్నాడు. ఇండోర్ వేదికగా జరిగిన మూడో టెస్టులో పుజారా అర్ధ శతకంలో రాణించారు. ఒకవైపు వికెట్లు కోల్పోతున్నా తాను మాత్రం ఒక ఎండ్‌లో నిలబడి టీమిండియా స్కోరును కదిలించాడు. పుజారా 142 బంతుల్లో 59 పరుగులు చేశాడు. అయితే లెగ్ స్లిప్ వద్ద ఆస్ట్రేలియా కెప్టెన్ స్టీవెన్ స్మిత్ అద్భుతమైన క్యాచ్‌ను పట్టడంతో పుజారా ఔటయ్యాడు. 2010లో టెస్టుల్లో అరంగేట్రం చేసిన పుజారా, రాహుల్ ద్రవిడ్ అంతర్జాతీయ రిటైర్మెంట్ తర్వాత టెస్టుల్లో మూడో స్థానాన్ని సొంతం చేసుకున్నాడు.
ఓటమి దిశగా భారత్
పుజారా టెస్టు క్రికెట్‌లో ఆస్ట్రేలియాపై తన 11వ అర్ధ సెంచరీని నమోదు చేశాడు. ఓవర్‌లాగా ఇది అతనికి టెస్టుల్లో 35వ అర్ధశతకం పుజారా ఆసీస్‌పై 51.05 సగటుతో 1,991 టెస్ట్ పరుగులు చేశాడు. ఇండోర్‌లో భారత్ తొలి ఇన్నింగ్స్‌లో పుజారాను లియాన్ ఒక్క పరుగులకే అవుట్ చేశాడు. రెండో ఇన్నింగ్స్‌లోనూ లియాన్ చేతిలో పుజారా వెనుదిరిగాడు. లియాన్ ప్రస్తుతం పుజారాను 13 సార్లు ఔట్ చేసి రికార్డు సృష్టించాడు. ప్రస్తుతం టీమిండియా ఓటమి దిశగా వెళుతోంది. 77 పరుగులు చేస్తే ఆస్ట్రేలియా విజయం సాధించనుంది.
ఈ టైమ్ లైన్ ని షేర్ చేయండి