Chris works: అంతర్జాతీయ క్రికెట్ నుంచి క్రిస్‌ వోక్స్ రిటైర్మెంట్
ఈ వార్తాకథనం ఏంటి
ఇంగ్లండ్‌ క్రికెట్‌లో స్టార్‌ ఆల్‌రౌండర్‌ క్రిస్‌ వోక్స్ సంచలన నిర్ణయం తీసుకున్నారు. అంతర్జాతీయ క్రికెట్‌లోని అన్ని ఫార్మాట్ల నుండి రిటైర్మెంట్ ప్రకటించారు. ఈ విషయాన్ని ఇంగ్లాండ్ అండ్ వెల్స్ క్రికెట్ బోర్డు (ECB) సోషల్ మీడియాలో అధికారికంగా వెల్లడించింది. 15 ఏళ్ల పాటు 'మూడు సింహాలు' బ్యాడ్జ్ కోసం అంకితభావంతో సేవలందించిన వోక్స్‌కు ECB శుభాకాంక్షలు తెలిపారు. నవంబర్ 21నుంచి ఆస్ట్రేలియాతో ప్రారంభమయ్యే యాషెస్ సిరీస్‌లో ఎంపిక చేయకపోవడంతో వోక్స్ రిటైర్మెంట్ తీసుకున్నట్టు తెలుస్తోంది. 36 ఏళ్ల వోక్స్ తన రిటైర్మెంట్‌పై స్పందిస్తూ ECB నాకు ఇచ్చిన అవకాశాలకు కృతజ్ఞతలు. అంతర్జాతీయ క్రికెట్ నుంచి తప్పుకున్నా, కౌంటీ క్రికెట్ ఆడతాను. ఫ్రాంచైజీ లీగ్‌లలో కూడా అవకాశాల కోసం వెతుకుతానని ఫీల్‌భరితమైన పోస్ట్‌ చేశారు..
Details
62 టెస్టులు ఆడిన అనుభవం
వోక్స్ ఇటీవల భారత్‌తో జరిగిన టెస్ట్ సిరీస్‌లో తీవ్ర గాయపడినా, ఐదో రోజు జట్టు కోసం ఒంటిచేత్తో బరిలోకి దిగి అందరి ప్రశంసలు పొందారు. 2011లో వన్డేలు ద్వారా అంతర్జాతీయ అరంగేట్రం చేసిన వోక్స్ 62 టెస్ట్‌లు, 122 వన్డేలు, 33 టీ20లు ఆడారు. రైట్ హ్యాండ్ ఫాస్ట్ బౌలింగ్ ఆల్‌రౌండర్‌గా వోక్స్ టెస్ట్‌ల్లో 1 సెంచరీ, 7 అర్ధ సెంచరీలు, వన్డేల్లో 6 అర్ధ సెంచరీలు సాధించారు. బౌలింగ్‌లో వోక్స్ టెస్ట్‌ల్లో 192 వికెట్లు (5వికెట్ల ప్రదర్శనలు5 సార్లు), వన్డేల్లో 173 వికెట్లు (3ఐదు వికెట్ల ప్రదర్శనలు), టీ20ల్లో 31 వికెట్లు తీశారు. ఐపీఎల్‌లో 2017లో అరంగేట్రం చేసి వివిధ ఫ్రాంచైజీల తరఫున 21 మ్యాచ్‌ల్లో 30 వికెట్లు పడగొట్టారు.