IPL 2025: ఐపీఎల్‌లో దిల్లీ క్యాపిటల్స్ మరో ఘనత.. పంజాబ్‌ను వెనక్కినెట్టి ..
ఈ వార్తాకథనం ఏంటి
ఇప్పటి వరకు ఇండియన్ ప్రీమియర్ లీగ్‌ (ఐపీఎల్‌)చరిత్రలో మొత్తం 15 సూపర్ ఓవర్లు జరిగాయి.
వాటిలో ప్రత్యేకంగా నిలిచింది దిల్లీ క్యాపిటల్స్ జట్టు.ఈ జట్టు మొత్తం ఐదు మ్యాచ్‌లను సూపర్ ఓవర్ దశ వరకు తీసుకెళ్లింది.
ఆశ్చర్యకరంగా, ఈ ఐదింటిలో నాలుగు మ్యాచ్‌లను గెలుచుకోవడంలో దిల్లీ సఫలమైంది.
ఈ ప్రదర్శనతో, సూపర్ ఓవర్లలో అత్యధిక విజయాలు సాధించిన తొలి జట్టుగా దిల్లీ ఘనతను సొంతం చేసుకుంది.
ఇంతకుముందు ఈ రికార్డు పంజాబ్ కింగ్స్‌ పేరుండేది.ఆ జట్టు నాలుగు మ్యాచ్‌ల్లో సూపర్ ఓవర్ ఆడాల్సి వచ్చింది, అయితే వాటిలో కేవలం మూడు విజయాలు మాత్రమే అందుకుంది.
తాజాగా దిల్లీ ఐదు సూపర్ ఓవర్ మ్యాచుల్లో నాలుగు గెలవడం ద్వారా పంజాబ్‌ను అధిగమించింది.
వివరాలు
ప్రధాన చర్చ బ్యాటింగ్ గురించే
"మ్యాచ్‌కి ఇలాంటి ముగింపు రావడం గొప్ప విషయమే. మేము ఆరంభించినప్పుడు లేదా పవర్‌ప్లేలో చూస్తే, ఈ స్థాయిలో స్కోరు చేస్తామనుకోవడం కష్టమే. తొలి స్ట్రాటజిక్ టైమౌట్ సమయంలో, మా ప్రధాన చర్చ బ్యాటింగ్ గురించేనని చెప్పాలి. పిచ్ కాస్త కఠినంగా ఉందని, కొత్తగా వచ్చిన బ్యాటర్‌కి చాలా ఇబ్బంది అవుతుందని అర్థమైంది. అయినప్పటికీ, మేము చక్కటి స్కోర్‌ను సాధించగలిగాం," అని దిల్లీ క్యాపిటల్స్ కెప్టెన్ అక్షర్ పటేల్ అన్నారు.
వివరాలు
అతడు రెండు ఓవర్ల యార్కర్లు వేస్తే గెలవకుండా ఉంటామా?: అక్షర్
అలాగే, "బౌలింగ్‌కు వచ్చేటప్పుడు మేము అసలు పోరు ఇప్పుడే మొదలవుతుందన్న అభిప్రాయంతో ఉన్నాం. రాజస్థాన్ ఆరంభం నుంచే దూకుడుగా ఆడింది. కానీ ఒకటి రెండు వికెట్లు పడిన తర్వాత మేం ఊపిరి పీల్చుకున్నాం. వ్యక్తిగతంగా చూస్తే నేను బ్యాటింగ్, బౌలింగ్ రెండు విభాగాల్లోనూ మంచి ప్రదర్శన చూపించగలిగాను. మాకు ఒక అద్భుతమైన బౌలర్ ఉన్నాడు. అతడు (స్టార్క్‌ను ఉద్దేశిస్తూ) రెండు ఓవర్లలో 12 యార్కర్లు వేస్తే, మా జట్టు ఓడిపోయే అవకాశం ఎలా ఉంటుంది? అందుకే అతడు ఒక దిగ్గజంగా ఎదిగాడు," అని అక్షర్ పటేల్ తన భావాలు తెలిపారు.