ధోనీ ఒక్కడే వరల్డ్ కప్ గెలిచాడా? మహిపై హర్భజన్ సింగ్ సెటైర్
ఈ వార్తాకథనం ఏంటి
ప్రపంచ టెస్టు ఛాంపియన్ షిప్ ఫైనల్లో టీమిండియా ఆస్ట్రేలియా చేతిలో ఓడిపోయింది. దీంతో క్రికెట్ అభిమానులు మరోసారి మహేంద్ర సింగ్ ధోనీ నామస్మరణ చేస్తున్నారు.
ధోనీ కెప్టెన్సీలో భారత్ ఎన్నో ఐసీసీ కప్పులను గెలిచింది. ఆ తర్వాత వచ్చిన కెప్టెన్లు ఎవరూ ఐసీసీ ట్రోఫీని సాధించలేదు.
ఐసీసీ టీ20 వరల్డ్ కప్, ఐసీసీ వన్డే వరల్డ్ కప్, ఐసీసీ ఛాంపియన్ ట్రోఫీలను ధోనీ సారథ్యంలో టీమిండియా గెలుచుకుంది. కెప్టెన్ అయ్యాక 48 రోజుల్లోనే మహేంద్ర సింగ్ టీ20 వరల్డ్ కప్ గెలిచాడంటూ ఓ అభిమాని ట్వీట్ చేశాడు.
దీనిపై టీమిండియా మాజీ క్రికెటర్ హర్భజన్ సింగ్ తనదైన స్టైల్ లో రియాక్ట్ అయ్యాడు.
Details
కెప్టెన్ కు క్రెడిట్ ఇవ్వడం మంచిది కాదు
ఈ మ్యాచులు ఆడినప్పుడు ఈ ఒక్క కుర్రాడే భారత్ ను నుంచి ఆడానని, మిగిలిన 10 మంది ఆటగాళ్లు అడలేదని, అతడు ఒక్కడే ప్రపంచకప్ ట్రోఫీలను గెలిచాడని భజ్జీ పేర్కొన్నారు.
ఆస్ట్రేలియా, మరే దేశమైనా ప్రపంచకప్ గెలిస్తే ఆ దేశం గెలిచిందని చెబుతారని, అయితే ఇండియాలో మాత్రం కెప్టెన్ గెలిచినట్టు చెబుతారని, ఇవి జట్టుగా ఆడేవని, గెలిచినా సమిష్టిగానే, ఓడినా సమిష్టిగానే అంటూ హర్భజన్ సింగ్ ట్వీట్ చేశాడు.
తాము కష్టపడి టీమిండియాకు విజయాలను అందించామని చెప్పేందుకు భజ్జీ ఇలా మాట్లాడినట్లు అర్థమవుతోంది.