IPL Unluckiest Players: ఆ ఒక్కటి గెలవలేదు.. ఐపీఎల్లో 'బ్యాడ్లక్' ప్లేయర్స్ జాబితా ఇదే!
ఈ వార్తాకథనం ఏంటి
ప్రపంచంలో అత్యంత సంపన్నమైన క్రికెట్ లీగ్ అయిన ఐపీఎల్లో ఎన్నో రికార్డులు బద్దలవుతన్నా, కొందరు దిగ్గజ ఆటగాళ్లు ఇంకా ట్రోఫీని ముద్దాడలేకపోయారు. కోట్లాది రూపాయల పారితోషికాలు తీసుకున్నప్పటికీ, విజేతగా నిలవలేకపోయిన ఈ 'దురదృష్టవంతులైన' ఆటగాళ్ల గురించి ఇప్పుడు తెలుసుకుందాం.
వివరాలు
ఏబీ డివిలియర్స్: ట్రోఫీ లేకపోయినా సత్తా చూపిన మాస్టర్
ఐపీఎల్ చరిత్రలో ఏబీ డివిలియర్స్ ఒక సంచలనం. రాయల్ ఛాలెంజర్స్ బెంగళూరు తరపున ఆయన అద్భుత ప్రదర్శనలు ఇచ్చాడు. 5,162 పరుగులు సాధించిన ఈ దక్షిణాఫ్రికా స్టార్, జట్టును ఫైనల్లు, ప్లేఆఫ్స్కు చేర్చడంలో కీలక పాత్ర పోషించాడు. కానీ, తన సుదీర్ఘ ఐపీఎల్ కెరీర్లో ఒక్కసారి కూడా ట్రోఫీని ఎత్తలేకపోయాడు. అదేవిధంగా 'యూనివర్స్ బాస్' క్రిస్ గేల్ కూడా 142 మ్యాచ్ల్లో 4,965 పరుగులు సాధించి, 175 పరుగుల అత్యధిక ఇన్నింగ్స్ ఆడినప్పటికీ టైటిల్ను అందుకోలేకపోయాడు.
వివరాలు
రిషబ్ పంత్: భారీ జీతం.. కానీ ట్రోఫీకి దూరం
2026 సీజన్లో లక్నో సూపర్ జెయింట్స్ సారథి రిషబ్ పంత్ రూ. 27 కోట్ల రూపాయల రికార్డు జీతంతో ఐపీఎల్లో అత్యధిక పారితోషికం పొందుతున్నాడు. 2020లో ఢిల్లీ క్యాపిటల్స్ తరఫున ఫైనల్ చేరినా, ముంబై చేతిలో ఓటమి పాలయ్యాడు. ఇప్పటివరకు 125 మ్యాచ్ల్లో 3,553 పరుగులు సాధించిన పంత్, ఈ సీజన్లో లక్నో తరఫున ట్రోఫీని గెలవాలని లక్ష్యంగా పెట్టుకున్నాడు.
వివరాలు
కేఎల్ రాహుల్: నిలకడగా పరుగులు.. కానీ టైటిల్ దక్కలేదు
కె.ఎల్. రాహుల్ ఐపీఎల్లో అత్యంత స్థిరమైన ఆటగాడు. ఏడు సీజన్లలో 500+ పరుగులు సాధించి, మొత్తం 5,222 పరుగులు చేసినా ఆయనకు లీగ్ టైటిల్ దక్కలేదు. పంజాబ్, లక్నో జట్లకు నాయకత్వం వహించినప్పటికీ ఫలితం రాలేదు. సంజూ శాంసన్: మార్చిన జట్లతో ప్రయత్నాలు.. కానీ విజయం దూరం 4,704 పరుగులు సాధించిన సంజూ శామ్సన్ రాజస్థాన్ రాయల్స్ నుంచి 18 కోట్ల రూపాయలతో చెన్నై సూపర్ కింగ్స్లో చేరాడు. కానీ, ఐపీఎల్ టైటిల్ ఇప్పటివరకు దక్కలేదు. ఐపీఎల్లో రికార్డులు సృష్టించినా, వ్యక్తిగత విజయం అందని ఈ ఆటగాళ్లు 'దురదృష్టవంతుల' జాబితాలో నిలిచారు, కానీ వారి ఆట ప్రతిభ ప్రేక్షకులను ఎప్పటికీ అభిమానుల హృదయాల్లో నిలిచిపోతుంది.