RCB: ఆర్సీబీ నూతన కోచ్‌గా జింబాబ్వే మాజీ కెప్టెన్
ఈ వార్తాకథనం ఏంటి
ఐపీఎల్ 2024 కు ముందు ఆర్సీబీ యాజమాన్యం కీలక నిర్ణయం తీసుకుంది. రాయల్ ఛాలెంజర్స్ బెంగుళూరు హెడ్ కోచ్‌గా జింబాబ్వే మాజీ కెప్టెన్ అండీ ఫ్లవర్‌ను యాజమాన్యం నియమించింది.
ఈ క్రమంలో ఇప్పటివరకూ హెడ్ కోచ్ గా కొనసాగిన సంజయ్ బంగర్ రు ఆర్సీబీ తప్పించింది.
అదేవిధంగా తమ జట్టు డైరక్టర్ ఆఫ్ క్రికెట్ మైక్ హెస్సన్‌‌పై కూడా బెంగళూరు వేటు వేసింది.
గత రెండేళ్లుగా లక్నో సూపర్ జెయింట్స్ తో ఉన్న ఆండీ ఫ్లవర్, ఇప్పుడు బెంగళూరుకు షిప్ట్ కానున్నాడు. ఐపీఎల్ ఎల్ఎస్‌జీ ఎంట్రీ ఇచ్చిన 2022 నుంచి ఆ జట్టుతోనే ఫ్లవర్ ఉన్నాడు.
Details
లక్నో హెడ్ కోచ్ గా జస్టిన్ లాంగర్
జులైలో ఆండీ ఫ్లవర్‌ను పక్కన పెట్టిన లక్నో, ఆస్ట్రేలియా మాజీ క్రికెటర్ జస్టిన్ లాంగర్‌ను హెడ్ కోచ్ గా ఎంపిక చేసింది.
2019 నుంచి మైక్ హెసెన్ ఆర్సీబీ జట్టుతోనే కొనసాగుతున్నాడు. ఈ న్యూజిలాండ్ మాజీ క్రికెటర్ హాయంలో ఆర్సీబీ వరుసగా మూడేళ్లు ఫ్లేఆఫ్స్ చేరింది.
ఐసీసీ హాల్ ఆఫ్ ఫేమర్, టీ20 వరల్డ్ కప్ విన్నింగ్ కోచ్ ఆండీ ఫ్లవర్ ను ఆర్సీబీ మెన్స్ టీమ్ హెడ్ కోచ్ గా నియమించామని ఆర్సీబీ ఒక ప్రకటనలో వెల్లడించింది.
జింబాబ్వే తరుఫున మోస్ట్ సక్సెస్ ఫుల్ బ్యాటర్‌గా ఆండీ ఫ్లవర్ కు మంచి పేరు ఉంది. జింబాబ్వే తరుపున 63 టెస్టులు, 213 వన్డేలు ఆడాడు.