WTC 2027: ఐసీసీ కీలక నిర్ణయం.. ప్రపంచ టెస్ట్ ఛాంపియన్‌షిప్‌లో కొత్త జట్లు
ఈ వార్తాకథనం ఏంటి
ప్రపంచ టెస్ట్ ఛాంపియన్షిప్ (WTC) సిరీస్‌లో మరిన్ని మూడు జట్లు చేరనున్నాయి. ప్రస్తుతం పాల్గొంటున్న తొమ్మిది టెస్ట్ దేశాలతో పాటు ఆఫ్ఘనిస్తాన్, జింబాబ్వే, ఐర్లాండ్ జట్లు కూడా 2027లో ప్రారంభమయ్యే కొత్త సీజన్‌ నుంచి పోటీలో పాల్గొంటాయని ఐసీసీ ప్రకటించింది. ప్రస్తుతం 2025 నుంచి 2027 మధ్య జరిగే టెస్ట్ ఛాంపియన్షిప్ సీజన్‌లో తొమ్మిది జట్లే ఉన్నాయి. కానీ 2027లో ప్రారంభమయ్యే ఐదవ సీజన్‌ నుంచి మొత్తం 12 జట్లు పాల్గొననున్నాయి. దీని ప్రకారం ఆఫ్ఘనిస్తాన్, ఐర్లాండ్, జింబాబ్వే తొలిసారిగా ప్రపంచ టెస్ట్ ఛాంపియన్‌షిప్‌లో తమ తొలి అడుగు వేస్తున్నాయి.
వివరాలు
ప్రపంచ టెస్ట్ ఛాంపియన్షిప్ అంటే ఏమిటి?
ప్రపంచ టెస్ట్ ఛాంపియన్షిప్ అనేది అంతర్జాతీయ టెస్ట్ జట్ల మధ్య జరిగే ఐసీసీ టోర్నమెంట్‌. 2021లో మొదటిసారిగా ప్రారంభమైన ఈ సిరీస్‌లో చివరికి ఒక ఫైనల్‌ మ్యాచ్‌ ద్వారా ఛాంపియన్‌ జట్టును నిర్ణయిస్తారు. ప్రస్తుతం మొత్తం తొమ్మిది టెస్ట్ ఆడే దేశాలు ఇందులో పాల్గొంటున్నాయి. సిరీస్‌ పాయింట్ల పట్టికలో మొదటి రెండు స్థానాల్లో నిలిచిన జట్లు ఫైనల్‌కు అర్హత సాధిస్తాయి.
వివరాలు
పాయింట్ల వ్యవస్థ ఎలా ఉంటుంది?
ఇక్కడ జట్ల స్థానాలు "విజయాల శాతం" ఆధారంగా నిర్ణయించబడతాయి. అంటే, జట్టు గెలిచిన మ్యాచ్‌లు, డ్రా అయిన మ్యాచ్‌ల సంఖ్యలన్నీ లెక్కలోకి వస్తాయి. సాధారణంగా, ఎక్కువ విజయాలు సాధించిన జట్లకు ఎక్కువ పాయింట్లు వస్తాయి. కానీ, ఒక జట్టు ఎక్కువ మ్యాచ్‌లు గెలిచి, కొన్ని డ్రా చేసినా కూడా, దాని విజయ శాతం అధికంగా ఉండే అవకాశం ఉంటుంది. ప్రతి మ్యాచ్‌కి 12 పాయింట్లు కేటాయిస్తారు. టై అయిన మ్యాచ్‌కి 6 పాయింట్లు, డ్రా అయినదానికి 4 పాయింట్లు ఇస్తారు. ఈ విధానం సిరీస్‌ల మధ్య సమతౌల్యాన్ని కల్పిస్తుంది. అంటే, ఒక జట్టు గెలిచిన, డ్రా చేసిన మ్యాచ్‌ల శాతానికి అనుగుణంగా పాయింట్ల పట్టికలో స్థానం లభిస్తుంది.
వివరాలు
టోర్నమెంట్‌ నిర్వహణ విధానం
దీని ఫలితంగా, ప్రతి సిరీస్‌ లేదా మ్యాచ్‌ తరువాత పాయింట్ల పట్టికలో మార్పులు చోటు చేసుకుంటాయి. చివరగా, పట్టికలో మొదటి రెండు స్థానాలు దక్కించుకున్న జట్లు ప్రపంచ టెస్ట్ ఛాంపియన్షిప్ ఫైనల్‌ మ్యాచ్‌ ఆడతాయి. ప్రపంచ టెస్ట్ ఛాంపియన్షిప్ సిరీస్‌ అనేది అసలు టెస్ట్ సిరీస్‌ల సమాహారం. అంటే, జట్లు తమకు కేటాయించిన టెస్ట్ సిరీస్‌లను మునుపటిలాగే ఆడతాయి. అయితే, ICC ఈ సిరీస్‌లలోని విజయాలు, పరాజయాలు, డ్రాలను మాత్రమే లెక్కలోకి తీసుకుంటుంది. వాటి ఆధారంగా పాయింట్ల పట్టిక రూపొందుతుంది. ఈ సిరీస్‌లను ఆయా దేశాల క్రికెట్‌ బోర్డులు నిర్వహిస్తాయి.
వివరాలు
ప్రపంచ టెస్ట్ ఛాంపియన్షిప్ సిరీస్‌లో పాల్గొనే జట్లు:
కానీ ఫైనల్‌ మ్యాచ్‌ మాత్రం అంతర్జాతీయ క్రికెట్‌ కౌన్సిల్‌ (ICC) ఆధ్వర్యంలో జరుగుతుంది. అందువల్ల, టోర్నమెంట్‌ మొత్తం విభిన్న బోర్డులు నిర్వహించినప్పటికీ, చివరి టైటిల్‌ పోరును ఐసీసీ నిర్వహిస్తుందనే కారణంతో దీన్ని అధికారిక ICC టోర్నమెంట్‌గా పరిగణిస్తారు. 1. భారతదేశం 2. పాకిస్తాన్ 3. ఆస్ట్రేలియా 4. న్యూజిలాండ్ 5. శ్రీలంక 6. బంగ్లాదేశ్ 7. వెస్టిండీస్ 8. ఇంగ్లాండ్ 9. దక్షిణాఫ్రికా 10. జింబాబ్వే (2027 నుంచి) 11. ఆఫ్ఘనిస్తాన్ (2027 నుంచి) 12. ఐర్లాండ్ (2027 నుంచి).