వన్డే వరల్డ్ కప్ 2023: హార్దిక్ పాండ్యా కాలి మడమ గాయంపై రోహిత్ శర్మ కామెంట్స్
ఈ వార్తాకథనం ఏంటి
అంతర్జాతీయ వన్డే ప్రపంచ కప్ 2023లో గురువారం రోజు బంగ్లాదేశ్ పై భారత క్రికెట్ జట్టు 7వికెట్ల తేడాతో విజయం సాధించింది.
ఈ విజయంలో బౌలర్ బుమ్రా, కెప్టెన్ రోహిత్ శర్మ, బ్యాటర్లు విరాట్ కోహ్లీ, శుభ్ మన్ గిల్ అద్భుతమైన ప్రదర్శన కనబరిచారు. విరాట్ కోహ్లీ ఏకంగా సెంచరీతో అందరినీ ఉత్సాహపరిచాడు.
మ్యాచ్ అనంతరం కెప్టెన్ రోహిత్ శర్మ మాట్లాడుతూ, ఈ మ్యాచ్ మొదట్లో మేము కొంత తడబడ్డాం, కానీ మధ్యలోకి వచ్చేసరికి మేమంతా సెటిల్ అయ్యాము. ముఖ్యంగా ఫీల్డింగ్ లో మా జట్టు అద్భుతమైన ప్రదర్శన కనబరిచిందని రోహిత్ శర్మ అన్నారు.
అలాగే హార్దిక్ పాండ్యా కాలి మడమ గాయం గురించి కూడా రోహిత్ మాట్లాడారు.
Details
గాయం వల్ల పెద్దగా అపాయం లేదు, కానీ
బౌలింగ్ చేస్తుండగా హార్దిక్ పాండ్యా కాలి మడమకు గాయమైంది. దీని గురించి రోహిత్ శర్మ మాట్లాడుతూ, గాయం వల్ల పెద్దగా అపాయం జరగలేదన్నారు.
కానీ అలాంటి గాయంతో ఇబ్బంది పడుతున్నప్పుడు దాని గురించి ప్రతిరోజు శ్రద్ధ తీసుకోవాల్సి ఉంటుంది. కాబట్టి ఆ విషయంలో మేము జాగ్రత్తగా ఉంటామని రోహిత్ చెప్పుకొచ్చారు.
ఇంకా మైదానంలో ప్రేక్షకుల గురించి మాట్లాడుతూ, మ్యాచ్ చూడడానికి చాలామంది ప్రేక్షకులు వస్తున్నారని, నిజంగా అది చాలా బాగుందని, దాని వల్ల తమలో ఉత్సాహం ఇంకా ఎక్కువగా పెరుగుతుందని రోహిత్ శర్మ అన్నారు.