cricket: పశ్చిమాసియా ఉద్రిక్తతల ప్రభావం.. రద్దైన శ్రీలంక-అఫ్గానిస్థాన్ సిరీస్
ఈ వార్తాకథనం ఏంటి
పశ్చిమాసియాలో కొనసాగుతున్న ఉద్రిక్తతల ప్రభావం ఇప్పుడు క్రికెట్పై కూడా పడింది. షెడ్యూల్ ప్రకారం మార్చి 13 నుంచి 25 వరకు శ్రీలంక, అఫ్గానిస్థాన్ జట్ల మధ్య దుబాయ్ వేదికగా వైట్ బాల్ సిరీస్ జరగాల్సి ఉంది. అయితే పశ్చిమాసియాలో నెలకొన్న యుద్ధ పరిస్థితుల కారణంగా ఆ సిరీస్ను రద్దు చేసినట్లు సమాచారం. ఈ విషయాన్ని శ్రీలంక క్రికెట్ బోర్డుకు చెందిన ఒక అధికారి వెల్లడించారు. "ఆ ప్రాంతంలో యుద్ధ పరిస్థితులు కొనసాగుతున్నందున విమాన రాకపోకలు సక్రమంగా లేవు. ఈ కారణంగానే సిరీస్ను రద్దు చేసుకోవాల్సి వచ్చిందని ఆయన తెలిపారు.
Details
మార్చి 20, 22, 25 తేదీల్లో మూడు వన్డే మ్యాచ్లు
అసలు షెడ్యూల్ ప్రకారం షార్జా వేదికగా మార్చి 13 నుంచి అఫ్గానిస్థాన్, శ్రీలంక జట్ల మధ్య మూడు టీ20 మ్యాచ్లు నిర్వహించాల్సి ఉంది. అనంతరం మార్చి 20, 22, 25 తేదీల్లో మూడు వన్డే మ్యాచ్లు జరగాల్సి ఉండేది. అయితే ప్రస్తుత భౌగోళిక ఉద్రిక్తతల నేపథ్యంలో ఇప్పుడే ఈ సిరీస్ నిర్వహించే పరిస్థితులు కనిపించడం లేదు. ఇటీవల ముగిసిన టీ20 వరల్డ్ కప్ సమయంలో కూడా ఇదే సమస్య కనిపించింది. విమాన రాకపోకల్లో అంతరాయం ఏర్పడటంతో కొన్ని జట్లు స్వదేశాలకు చేరుకోవడంలో ఇబ్బందులు ఎదుర్కొన్న విషయం తెలిసిందే.