Ind vs Ban: ఇంగ్లండ్ రికార్డను బద్దలుకొట్టిన భారత్.. తక్కువ బంతుల్లో 50 పరుగులు
భారత ఓపెనర్లు బంగ్లాదేశ్‌తో జరుగుతున్న రెండో టెస్టులో (IND vs BAN) అద్భుతమైన ప్రదర్శన చేసి, ప్రపంచ టెస్టు క్రికెట్‌లో అరుదైన రికార్డును సొంతం చేసుకున్నారు. బంగ్లాదేశ్ తొలి ఇన్నింగ్స్‌లో 233 పరుగులకు ఆలౌట్ అయ్యింది. అనంతరం టీమిండియా తన తొలి ఇన్నింగ్స్‌ను ప్రారంభించింది. రోహిత్ శర్మ, యశస్వి జైస్వాల్ ఓపెనర్లు గా బరిలోకి దిగారు.మొదటి ఓవర్ నుండే దూకుడుగా ఆడారు. ఈ క్రమంలో, కేవలం 18 బంతుల్లోనే 50+ పరుగులు జోడించడంతో, 147 ఏళ్ల టెస్టు క్రికెట్‌లో అత్యంత వేగంగా హాఫ్‌ సెంచరీ సాధించిన జోడీగా నిలిచారు.
యశస్వి హాఫ్‌ సెంచరీ
ఈ రికార్డు గతంలో బజ్‌బాల్ క్రికెట్ ఆడుతున్న ఇంగ్లండ్ బ్యాటర్లు బెన్ డకెట్, బెన్ స్టోక్స్ పేరిట ఉండేది. వారు 26 బంతుల్లో 50+ పరుగులు సాధించారు.ఇప్పుడు ఈ రికార్డును రోహిత్, యశస్వి బద్దలు కొట్టారు. యశస్వి హాఫ్‌ సెంచరీ యశస్వి తన ఓపెనింగ్ పార్టనర్ రోహిత్ (23: 11 బంతుల్లో 3 సిక్స్‌లు,1 ఫోర్) ఔటైన తర్వాత కూడా తన జోరు తగ్గించలేదు. బౌండరీలతో విరుచుకుపడ్డ యశస్వి కేవలం 31 బంతుల్లో హాఫ్‌ సెంచరీ పూర్తి చేశాడు. దీంతో భారత టెస్టు చరిత్రలో అత్యంత వేగంగా అర్ధశతకం సాధించిన నాలుగో బ్యాటర్‌గా నిలిచాడు. పంత్ (28 బంతుల్లో), కపిల్ (30 బంతుల్లో), శార్దూల్ (31 బంతుల్లో) కంటే ముందున్నాడు.
12.2 ఓవర్లలోనే విండీస్‌పై 100
ఫాస్టెస్ట్ 100 భారత జట్టు కేవలం 10.1 ఓవర్లలోనే 100 పరుగుల మార్క్‌ను తాకింది. ఈ సందర్భంగా, టెస్టుల్లో అత్యంత వేగంగా 100 పరుగులు చేసిన జట్టుగా భారత్ తన రికార్డును అధిగమించడం విశేషం. 2023లో, టీమిండియా 12.2 ఓవర్లలోనే విండీస్‌పై 100 కొట్టిన సందర్భం కూడా ఉంది.
