Asian Games: అథ్లెటిక్స్లో భారత్ జోరు.. మహిళల 4x400 మీటర్ల రిలేలో స్వర్ణం
ఈ వార్తాకథనం ఏంటి
అథ్లెటిక్స్లో భారత్ జోరు కొనసాగుతోంది. మంగళవారం జరిగిన మహిళల 4x400 మీటర్ల రిలేలో భారత జట్టు స్వర్ణ పతకం సాధించింది. కిరణ్ పహల్, పూవమ్మ,ప్రాచి,విత్య రామ్రాజ్తో కూడిన భారత బృందం ఫైనల్లో 3:29.69 సెకన్లలో రేసును పూర్తి చేసి అగ్రస్థానంలో నిలిచింది. ప్రస్తుత ఆసియా క్రీడల ట్రాక్ అండ్ ఫీల్డ్ విభాగంలో భారత్కు లభించిన తొలి స్వర్ణ పతకం ఇదే. బహ్రెయిన్ రజతం,చైనా కాంస్య పతకాలను దక్కించుకున్నాయి. పురుషుల 4x400 మీటర్ల రిలేలోనూ భారత్ పతకం సాధించింది. ధరంవీర్ చౌదరి,మను తెక్కినలిల్,జై కుమార్,విశాల్ తెన్నరసుల బృందం 3:01.61 సెకన్లలో రేసును పూర్తి చేసి మూడో స్థానంలో నిలిచింది. దీంతో భారత్కు కాంస్య పతకం లభించింది. జపాన్,ఖతార్ వరుసగా తొలి రెండు స్థానాలను సాధించాయి.
వివరాలు
4x100 మీటర్ల మిక్స్డ్ రిలేలో కాంస్యం
మహిళల హైజంప్లో పూజా సింగ్ 1.84 మీటర్ల ఎత్తును అధిగమించి కాంస్య పతకం గెలిచింది.
అయితే ఆమె తన వ్యక్తిగత అత్యుత్తమ రికార్డును అధిగమించలేకపోయింది.
4x100 మీటర్ల మిక్స్డ్ రిలేలోనూ భారత్కు కాంస్యం దక్కింది.
గురిందర్వీర్ సింగ్, అనిమేష్ కుజుర్, స్నేహా సత్యనారాయణ, హరిత భాద్రాతో కూడిన భారత జట్టు 41.06 సెకన్లలో రేసును పూర్తి చేసి మూడో స్థానంలో నిలిచింది.
వివరాలు
నరేందర్కు కాంస్యం
ఆసియా క్రీడల బాక్సింగ్లోనూ భారత ఆటగాళ్లు సత్తా చాటారు.
పురుషుల 90 కేజీల విభాగంలో నరేందర్ బెర్వాల్ కాంస్య పతకంతో సరిపెట్టుకున్నాడు.
సెమీఫైనల్లో కజకిస్తాన్కు చెందిన ఐబెక్ ఓరల్బే చేతిలో 0-5తో ఓడిపోయాడు.
మరోవైపు మహిళల 65 కేజీల విభాగంలో పర్వీన్ హుడా ఫైనల్లోకి దూసుకెళ్లింది.
సెమీఫైనల్లో చైనాకు చెందిన లీ షును 5-0తో ఓడించింది. పురుషుల 80 కేజీల విభాగంలో అంకుష్ పంగల్ కూడా ఫైనల్కు చేరాడు.
ఉజ్బెకిస్తాన్కు చెందిన ఫజ్లిద్దీన్ ఎర్కిన్బోయెవ్పై 4-1తో విజయం సాధించాడు.
దీంతో ఆసియా క్రీడల్లో ఎనిమిదేళ్ల తర్వాత ఫైనల్కు చేరిన తొలి భారత పురుష బాక్సర్గా పంగల్ రికార్డు సృష్టించాడు.
వివరాలు
సెమీస్లోకి కనో, కయాక్ ప్లేయర్లు
ఆసియా క్రీడల్లో భారత కయాక్, కనో ఆటగాళ్లు సెమీఫైనల్కు అర్హత సాధించారు.
పురుషుల కయాక్ సింగిల్ హీట్స్లో హితేష్ కేవత్ 118.22 సెకన్ల టైమింగ్తో ఎనిమిదో స్థానంలో నిలిచాడు.
ప్రద్యుమ్న సింగ్ రాథోడ్ 127.70 సెకన్లలో రేసును పూర్తి చేసి పదో స్థానంలో నిలిచాడు.
మహిళల కనో సింగిల్ హీట్స్లో పల్లవి జగ్తాప్ 224.20 సెకన్లలో రేసును పూర్తి చేసి ఏడో స్థానంలో నిలిచింది.
రీనా సేన్ 342.72 సెకన్లతో తొమ్మిదో స్థానంలో నిలిచింది. మహిళల కయాక్ సింగిల్ విభాగంలో శిఖా చౌహాన్ 344.87 సెకన్ల టైమింగ్తో చివరి నుంచి రెండో స్థానంలో నిలిచింది.
వివరాలు
క్వార్టర్స్లోకి భారత వాలీబాల్ జట్టు
ఆసియా క్రీడల్లో భారత పురుషుల వాలీబాల్ జట్టు క్వార్టర్ఫైనల్కు చేరుకుంది. ప్రిక్వార్టర్ఫైనల్లో భారత్ 3-2తో ఖతార్పై విజయం సాధించింది.
తొలి రెండు సెట్లలో వెనుకబడినప్పటికీ భారత జట్టు అద్భుతంగా పుంజుకుంది.
మొత్తం 2 గంటల 47 నిమిషాల పాటు సాగిన ఉత్కంఠభరిత మ్యాచ్లో విజయాన్ని అందుకుని క్వార్టర్ఫైనల్ బెర్త్ ఖరారు చేసుకుంది.