IPL 2023: చైన్నై ఓటమితో పాయింట్ల పట్టికలో వచ్చిన మార్పులివే!
ఈ వార్తాకథనం ఏంటి
ఇండియన్ ప్రీమియర్ లీగ్ 2023లో ప్లే ఆఫ్ రేసు రసవత్తరంగా సాగుతోంది. ఇప్పటికే చాలా జట్లు 12 మ్యాచ్ లు ఆడటంతో మొత్తం 61 మ్యాచ్ లు పూర్తయ్యాయి. అయినప్పటికీ ఫ్లేఆఫ్ లో చోటు కోసం అయా జట్ల మధ్య పోటీ బలంగా ఉంది. ప్రస్తుతం కేకేఆర్ పై ఓడిన చైన్నై సూపర్ కింగ్స్ కి ఫ్లేఆఫ్ లో చోటు లభించాలంటే చివరి మ్యాచ్ లో తప్పక నెగ్గాల్సి ఉంటుంది. లేకపోతే టాప్ -4 నుండి నిష్క్రమించే అవకాశం ఎక్కువగా ఉంటుంది. రాజస్థాన్ రాయల్స్ పై ఆర్సీబీ విజయం సాధించడంతో ఫ్లే ఆశలను సజీవంగా ఉంచుకుంది. గుజరాత్ టైటాన్స్ చివరి 2 మ్యాచుల్లో ఒక మ్యాచ్ గెలిస్తే ఫ్లేఆఫ్ కి అర్హత సాధిస్తుంది.
Details
అగ్రస్థానంలో గుజరాత్ టైటాన్స్
గుజరాత్ టైటాన్స్ 12 మ్యాచుల్లో 4 ఓటములు, 8 విజయాలను నమోదు చేసింది. నెట్ రనే రేట్ +0.761తో అగ్రస్థానంలో నిలిచింది. చైన్నై సూపర్ కింగ్స్ 13 మ్యాచుల్లో 7 విజయాలను సాధించింది. మరో మ్యాచ్ రద్దు కావడంతో 1 పాయింట్ లభించింది. +0.381 నెట్ రన్ రేట్ తో రెండో స్థానంలో నిలిచింది. ముంబై ఇండియన్స్ 12 మ్యాచుల్లో 7 విజయాలను సాధించి 14 పాయింట్లతో మూడో స్థానంలో ఉంది. నెట్ రన్ రేట్ మైనస్ ఉండడం ఈ జట్టుకు ఇబ్బందికరంగా మారింది. 12 మ్యాచుల్లో 6 విజయాలను నమోదు చేసిన లక్నో సూపర్ జెయింట్స్ ఒక మ్యాచ్ రద్దుతో నాలుగో స్థానంలో ఉంది.