CSK Vs KKR: చైన్నై సూపర్ కింగ్స్ కి షాకిచ్చిన కోల్ కతా
ఈ వార్తాకథనం ఏంటి
చైన్నై సూపర్ కింగ్స్ తో జరిగిన మ్యాచ్ లో కోల్ కతా నైట్ రైడర్స్ విజయం సాధించింది. మొదట కోల్ కతా బౌలర్లు బౌలర్లు కట్టుదిట్టంగా బౌలింగ్ చేయడంతో నిర్ణీత 20 ఓవర్లలో 6 వికెట్ల నష్టానికి 144 పరుగులు చేసింది.
అనంతరం బ్యాటింగ్ కి దిగిన కోల్ కత్తా 18.3 ఓవర్లలోనే లక్ష్యాన్ని చేధించి గెలుపొందింది.
చైన్నై బ్యాటర్లలో శివమ్ దూబే 34 బంతుల్లో 48 పరుగులతో నాటౌట్ గా నిలవగా.. కాన్వే 30, జడేజా 20 పరుగులతో రాణించారు. మిగతా బ్యాటర్లు విఫలం కావడంతో చైన్నై భారీ స్కోరును చేయలేకపోయింది.
కేకేఆర్ బౌలర్లలో వరుణ్ చక్రవర్తి, సునీల్ తలో రెండు వికెట్లు తీసి రాణించారు.
Details
అర్ధ సెంచరీతో చెలరేగిన రింకూసింగ్, నితీష్ రాణా
లక్ష్య చేధనకు దిగిన కేకేఆర్ కు ఆరంభంలోనే గట్టి ఎదురుదెబ్బలు తగిలాయి. గుర్బాజ్(1), జేసన్ రాయ్(12), వెంకటేష్ అయ్యర్(9) వెంట వెంటనే పెవిలియానికి చేరారు. దీపక్ చాహర్ వారిని ఔట్ చేసి చైన్నైకి మంచి ఆరంభాన్ని అందించాడు.
అయితే రింకూ సింగ్, నితీష్ రాణా నాలుగో వికెట్ 99 పరుగులు జోడించి కేకేఆర్ ను విజయతీరాలకు చేర్చారు. ఈ క్రమంలో రింకూసింగ్(54), నితీష్ రాణా 57 పరుగులతో విజృంభించారు. చివర్లో రింకూసింగ్ రనౌట్ అయినా నితీష్ ఫోర్ బాది జట్టుకు విజయాన్ని అందించాడు.