IPL 2023: ఫైనల్స్ లోకి అడుగుపెట్టిన చైన్నై సూపర్ కింగ్స్
ఈ వార్తాకథనం ఏంటి
ఇండియన్ ప్రీమియర్ లీగ్ 2023లో భాగంగా ఫైనల్స్ లోకి చైన్నై సూపర్ కింగ్స్ అడుగుపెట్టింది. క్వాలిఫయర్-1 మ్యాచులో చెపాక్ వేదికగా గుజరాత్ టైటాన్స్ తో జరిగిన పోరులో చైన్నై అద్భుత విజయం సాధించింది.
మొదట బ్యాటింగ్ చేసిన చైన్నై నిర్ణీత 20 ఓవర్లలో 7 వికెట్ల నష్టానికి 172 పరుగులు చేసింది. చైన్నై బ్యాటర్లలో రుతురాజ్ గైక్వాడ్ 44 బంతుల్లో (7 ఫోర్లు, ఓ సిక్సర్) 60 పరుగులు, డెవెన్ కాన్వే 34 బంతుల్లో (4ఫోర్లు) 30 పరుగులతో చెలరేగారు.
చివర్లో రవీంద్ర జడేజా 16 బంతుల్లో 22 పరుగులతో ఫర్వాలేదనిపించారు. గుజరాత్ బౌలర్లలో షమీ, మోహిత్ శర్మ తలా రెండు వికెట్లు తీశారు.
Details
చెలరేగిన చైన్నై బౌలర్లు
లక్ష్య చేధనకు దిగిన గుజరాత్ 41 పరుగులకే రెండు వికెట్లను కోల్పోయింది. సాహా12, హార్ధిక్ పాండ్యా8 పరుగులతో దారుణంగా విఫలమయ్యారు. శుభ్‌మాన్ గిల్ 42 పరుగులతో అకట్టుకున్నాడు.
చివర్లో రషీద్ ఖాన్ 16 బంతుల్లో (2 సిక్సర్లు, 3 ఫోర్లు) 30 పరుగులతో విజృంభించినా ఫలితం లేకుండా పోయింది.
మిగతా బ్యాటర్లు సింగిల్ డిజిట్ కే ఔట్ కావడంతో గుజరాత్ ఓటమిపాలైంది. నిర్ణీత 20 ఓవర్లలో 157 పరుగులు చేసి ఆలౌటైంది.
చాహర్, తీక్షణ, జడేజా, పతిరణ తలా రెండు వికెట్లు తీసి చైన్నై విజయంలో కీలక పాత్ర పోషించారు. నేటి మ్యాచ్ లో ఓడిన గుజరాత్ జట్టు మే 26న జరిగే క్వాలిఫయర్-2 మ్యాచ్ లో ఎలిమినేటర్ మ్యాచ్ విజేతతో తలపడనుంది.