IPL 2023: పంజాబ్‌ను గెలిపించిన సికిందర్ రాజా
ఈ వార్తాకథనం ఏంటి
ఆటల్ బిహార్ వాజ్ పేయి స్టేడియంలో శనివారం పంజాబ్ కింగ్స్, లక్నో సూపర్ జెయింట్స్ తలపడ్డాయి. మొదట టాస్ గెలిచిన పంజాబ్ కెప్టెన్ శామకర్రన్ బౌలింగ్ ఎంచుకున్నాడు.
నిర్ణీత 20 ఓవర్లలో 8 వికెట్ల నష్టానికి 159 పరుగులను లక్నో చేసింది. పంజాబ్ 19.3 ఓవర్లలో 8 వికెట్ల నష్టానికి లక్ష్యాన్ని చేరుకుంది.
లక్నో కెప్టెన్ కేఎల్ రాహుల్ 56 బంతుల్లో 74 పరుగులు చేయడంతో లక్నో గౌరవప్రదమైన స్కోరును చేసింది.
పంజాబ్ బౌలర్లలో కసిగో రబడ మూడు వికెట్లు, శామ్ కర్రన్ రెండు వికెట్లు, హర్‌ప్రీత్ సింగ్, హర్‌ప్రీత్ బ్రార్, సికిందర్ రాజా తలా ఓ వికెట్ తీశారు.
సికిందర్ రాజా
హాఫ్ సెంచరీతో జట్టును ఆదుకున్న సికిందర్ రాజా
లక్ష్య చేధనకు దిగిన పంజాబ్ 2.2 ఓవర్లలోనే రెండు వికెట్లు కోల్పోయింది. ధాటిగా ఆడుతున్న మాథ్యూషార్ట్ (34) కె.గౌతమ్ బౌలింగ్ లో స్టోయినిస్ క్యాచి ఇచ్చి ఔట్ అయ్యాడు. 45/3 కోల్పోయి పంజాబ్ కష్టాల్లో పడింది.
ఈ క్రమంలో సికిందర్ రాజా 41 బంతుల్లో 57 పరుగులతో చెలరేగాడు.12 బంతుల్లో 20 పరుగుల చేయాల్సిన సమయంలో సికిందర్ రాజా ఔట్ కావడంతో మళ్లీ లక్నోకు గెలుపు ఆశలు చిగురించాయి.
చివర్లో షారుక్ ఖాన్ 23 పరుగులు చేసి పంజాబ్‌కి విజయాన్ని అందించాడు. లక్నో బౌలర్లలో యుధ్వీర్ సింగ్ చరక్, రవి బిసోని రెండు వికెట్లు, మార్క్ వుడ్, క్రిష్ణప్ప గౌతమ్, కృనాల్ పాండ్యా తలా ఓ వికెట్ తీశారు.