IPL 2023: అత్యధిక సెంచరీల రికార్డును సమం చేసిన విరాట్ కోహ్లీ
ఈ వార్తాకథనం ఏంటి
రికార్డులను క్రియేట్ చేయడంలో విరాట్ కోహ్లీ ఎక్కడా తగ్గడం లేదు. ఉప్పల్ స్టేడియంలో ఆకాశమే హద్దుగా చెలరేగిపోయి అద్బుతమైన సెంచరీ చేసి రాయల్స్ ఛాలెంజర్స్ బెంగళూర్ కు అద్భుతమైన విజయాన్నిఅందించాడు. దీంతో ఆర్సీబీని ప్లే ఆఫ్ రేసులో మరింత ముందుకు తీసుకెళ్లాడు. హైదరాబాద్ తో జరిగిన మ్యాచులో కోహ్లీ 62 బంతుల్లో 100 పరుగుల మార్క్ ను అందుకున్నాడు. ఐపీఎల్ లో కోహ్లీకి ఇది ఆరో సెంచరీ కావడం విశేషం. ఫలితంగా ఐపీఎల్ లో అత్యధిక సెంచరీలు సాధించిన విండీస్ స్టార్ ఆటగాడు క్రిస్ గేల్ సరసన చేరాడు. గేల్ 142 మ్యాచుల్లో ఆరు సెంచరీలు సాధించగా.. కోహ్లీ 237వ మ్యాచులో ఆ ఫీట్ ను అందుకున్నాడు.
Details
భీకర ఫామ్ లో కింగ్ కోహ్లీ
ఐపీఎల్ లో మూడేళ్ల తర్వాత కోహ్లీ మరో సెంచరీని బాదాడు. 2023 సీజన్లో అద్భుత ఫామ్ లో ఉన్న విరాట్ కోహ్లీ ఇప్పటివరకూ అరు అర్ధసెంచరీలను నమోదు చేశాడు. ఫ్లేఆప్స్ రేసులో నిలవాలంటే తప్పక గెలవాల్సిన మ్యాచులో కోహ్లీ, డుప్లెసిస్ అద్భుత ఇన్నింగ్స్ తో జట్టును నాలుగో స్థానంలో నిలిపాడు. విరాట్ కోహ్లీ ఈ సీజన్లో 13 మ్యాచులు ఆడి 44.83 సగటుతో 538 రన్స్ చేశాడు. 21న గుజరాత్ టైటాన్స్ తో జరిగే మ్యాచులో బెంగళూర్ విజయం సాధిస్తే ఇతర జట్ల ఫలితాలతో పని లేకుండా నేరుగా ఫ్లే ఆఫ్స్ కి అర్హత సాధించనుంది.