IPL: ఐపీఎల్ 2025 మెగా వేలం.. కొత్త రిటెన్షన్ నియమాలు, ఆటగాళ్లపై ప్రత్యేక దృష్టి
ఐపీఎల్ 2025 మెగా వేలంకు సంబంధించిన రిటెన్షన్ నియమాలను ఐపీఎల్ గవర్నింగ్ కౌన్సిల్ ఇటీవల విడుదల చేసింది. ఈసారి రిటెన్షన్ పరిమితిని ఆరుగురు ఆటగాళ్లకు పెంచడం ద్వారా, ప్రాంచైజీలు ఒక్కో ఆటగాడిని పెద్ద మొత్తానికి కాపాడుకోవచ్చు. ఇందులో ఒక రైట్ టు మ్యాచ్ (ఆర్‌టీఎం) ఆప్షన్ కూడా అందుబాటులో ఉంది. అక్టోబర్ 31లోపు అన్ని ఫ్రాంచైజీలు తమ రిటెన్షన్ లిస్ట్‌ను సమర్పించాల్సి ఉంటుంది. వేలం నవంబర్ మూడో వారంలో జరగనున్నట్లు తెలిసింది. ఐపీఎల్ 2024 అనంతరం, ఆరుగురు భారత ఆటగాళ్లు టీమిండియాలో చోటు దక్కించుకోవడం జరిగింది. వారిలో రియాన్ పరాగ్, తుషార్ దేశ్‌పాండే, సాయి సుదర్శన్, అభిషేక్ శర్మ, నితీశ్ కుమార్ రెడ్డి, మయాంక్ యాదవ్ లాంటి వారు అరంగేట్రం చేశారు.
రి
దీంతో, వీరికి అన్‌క్యాప్డ్ ప్లేయర్ అనే ట్యాగ్ పోయింది, అయితే వీరిని రూ. 4 కోట్లతో రిటైన్ చేసుకునే అవకాశం ప్రాంచైజీలకు ఉండదు. ఒకవేళ వీరిని రిటైన్ చేస్తే, కనీసం రూ. 11 కోట్లు ఖర్చు పెట్టాల్సి ఉంటుంది. ఇక ప్రాంచైజీలు ఈ ఆటగాళ్లను ఎంత భారీ ధరకు కొనుగోలు చేస్తాయో చూడాలి. ప్రస్తుత సీజన్‌లో రియాన్ పరాగ్ (రాజస్థాన్), తుషార్ దేశ్‌పాండే (చెన్నై), సాయి సుదర్శన్ (గుజరాత్), అభిషేక్ శర్మ (సన్‌రైజర్స్), నితీశ్ కుమార్ రెడ్డి (సన్‌రైజర్స్), మయాంక్ యాదవ్ (లక్నో) వంటి ఆటగాళ్లు మెరుగ్గా రాణిస్తున్నారు. మెగా వేలం ముందు, కొత్త రిటెన్షన్ నియమాలు ప్రాంచైజీల ఆర్థిక వ్యూహాలను మార్చడం, ఆటగాళ్లకు సంబంధించిన ప్రాధాన్యతను పెంచడం అనేది ఆసక్తికరంగా ఉంది.
