Arshad Khan : అర్షద్ మ్యాజిక్.. RCB బ్యాటింగ్ విఫలం
ఈ వార్తాకథనం ఏంటి
ఐపీఎల్ 2026లో గురువారం జరిగిన మ్యాచ్లో గుజరాత్ టైటాన్స్ (GT) బౌలర్ అర్షద్ ఖాన్ అద్భుత ప్రదర్శనతో రాయల్ చాలెంజర్స్ బెంగళూరు (RCB)ను కుదేలు చేశాడు. మంచి ఆరంభం చేసినప్పటికీ, RCB బ్యాటింగ్ ఒక్కసారిగా కుప్పకూలి 19.2 ఓవర్లలో కేవలం 155 పరుగులకు ఆలౌట్ అయింది. RCB ఇన్నింగ్స్ ప్రారంభంలో విరాట్ కోహ్లీ దూకుడుగా ఆడుతూ మంచి ఓపెనింగ్ ఇచ్చాడు. అయితే ఆ ప్రారంభాన్ని పెద్ద స్కోరుగా మార్చుకోవడంలో జట్టు విఫలమైంది. మధ్యలో వరుసగా వికెట్లు కోల్పోవడంతో స్కోరు పెరగలేదు. GT తరఫున అర్షద్ ఖాన్ స్టార్గా నిలిచాడు. అతను 3.2 ఓవర్లలో 22 పరుగులు ఇచ్చి మూడు కీలక వికెట్లు పడగొట్టాడు.
వివరాలు
మ్యాచ్ సాగిందిలా..
పవర్ప్లే ముగిసే సరికి RCB 59/2తో బాగానే కనిపించింది. కానీ అక్కడి నుంచి పరిస్థితి పూర్తిగా మారిపోయింది. 8వ ఓవర్లో కెప్టెన్ రాజత్ పాటిదార్ (15 బంతుల్లో 19 పరుగులు)ను అర్షద్ అవుట్ చేశాడు. షార్ట్ బాల్ను పుల్ షాట్ ఆడిన పాటిదార్ క్యాచ్ను జేసన్ హోల్డర్ అద్భుతంగా పట్టుకున్నాడు. తర్వాత 11వ ఓవర్లో కృణాల్ పాండ్యాను కూడా అర్షద్ ఔట్ చేశాడు. ఫ్లిక్ షాట్ ప్రయత్నంలో క్యాచ్ ఇచ్చి వెనుదిరిగాడు. చివరగా 20వ ఓవర్లో వెంకటేష్ అయ్యర్ను ఔట్ చేసి తన మూడో వికెట్ సాధించాడు.
వివరాలు
ఐపీఎల్ రికార్డులు ఇవే..
ఈ మ్యాచ్లో 3/22 స్పెల్తో అర్షద్ ఖాన్ IPLలో మొత్తం 21 మ్యాచ్లలో 17 వికెట్లు సాధించాడు. అతని సగటు 34.47 కాగా, ఎకానమీ రేట్ మాత్రం కొంచెం ఎక్కువగానే ఉంది (11.12). ఐపీఎల్ రికార్డుల ప్రకారం, టీ20ల్లో 32 మ్యాచ్లలో 34 వికెట్లు తీసి 22.2 సగటుతో రాణిస్తున్నాడు. అతని ఎకానమీ రేట్ 9కు పైగానే ఉంది.