IPL Records : స్టార్ ప్లేయర్లకే షాకిచ్చిన ఐపీఎల్ రికార్డులు..ఈసారైనా సాధిస్తారా?
ఈ వార్తాకథనం ఏంటి
ఇండియన్ ప్రీమియర్ లీగ్ (ఐపీఎల్) అనగానే రికార్డుల పరంపర గుర్తుకు వస్తుంది. సెంచరీలు, అర్ధ సెంచరీలు, వికెట్ల వేటలో ఆటగాళ్లు తమ ప్రతిభను చాటుతుంటారు. ప్రతి మ్యాచ్ ముగింపులో అత్యుత్తమంగా ప్రదర్శన చేసిన ఆటగాడికి 'ప్లేయర్ ఆఫ్ ది మ్యాచ్' అవార్డు ప్రదానం చేస్తారు. అయితే ఐపీఎల్ చరిత్రలో కొన్ని ఆసక్తికరమైన గణాంకాలు కూడా ఉన్నాయి. కొంతమంది దశాబ్ద కాలానికి పైగా ఆడుతున్నప్పటికీ, ఒక్కసారి కూడా 'ప్లేయర్ ఆఫ్ ది మ్యాచ్' అవార్డు అందుకోలేకపోయారు. 2026 ఐపీఎల్ సీజన్ మార్చి 28న ప్రారంభం కానున్న నేపథ్యంలో ఈ అరుదైన రికార్డులు ఇప్పుడు చర్చకు వస్తున్నాయి.
వివరాలు
ఒక్కసారి కూడా ఆ అవార్డు రాలేదు..
ముంబై ఇండియన్స్పై రవిచంద్రన్ అశ్విన్:
టీమిండియా అనుభవజ్ఞ స్పిన్నర్ రవిచంద్రన్ అశ్విన్, ఐపీఎల్లో అత్యంత విజయవంతమైన జట్టు ముంబై ఇండియన్స్పై 37 మ్యాచ్లు ఆడారు.
అయినప్పటికీ, ఆ జట్టుపై ఆయన ఒక్కసారి కూడా ప్లేయర్ ఆఫ్ ది మ్యాచ్ అవార్డును సాధించలేకపోయారు.
రాజస్థాన్ రాయల్స్పై విరాట్ కోహ్లీ:
రికార్డులలో ముందుండే విరాట్ కోహ్లీకి కూడా ఒక జట్టు విషయంలో ఈ అరుదైన పరిస్థితి ఎదురైంది.
రాజస్థాన్ రాయల్స్తో జరిగిన 33 మ్యాచ్ల్లో మంచి ప్రదర్శనలు చేసినప్పటికీ, ఆ జట్టుపై ఆయనకు ఒక్కసారి కూడా ప్లేయర్ ఆఫ్ ది మ్యాచ్ అవార్డు దక్కలేదు.
వివరాలు
ఆ అవార్డు దక్కేదెప్పుడు?
చెన్నై సూపర్ కింగ్స్పై దినేష్ కార్తీక్:
మహేంద్ర సింగ్ ధోనీ నాయకత్వంలోని చెన్నై సూపర్ కింగ్స్పై దినేష్ కార్తీక్ చాలా కాలంగా ఆడుతున్నారు.
చెన్నైపై 33 మ్యాచ్లు ఆడినప్పటికీ, ఆయనకు ఒక్కసారి కూడా ఈ అవార్డు లభించలేదు.
కోల్కతా నైట్ రైడర్స్పై భువనేశ్వర్ కుమార్ :
బౌలింగ్లో నైపుణ్యం కలిగిన భువనేశ్వర్ కుమార్, కోల్కతా నైట్ రైడర్స్పై అనేక కీలక వికెట్లు తీసినప్పటికీ 30 మ్యాచ్ల్లో ఒక్కసారి కూడా ప్లేయర్ ఆఫ్ ది మ్యాచ్ అవార్డు పొందలేదు.
రాయల్ ఛాలెంజర్స్ బెంగళూరుపై దినేష్ కార్తీక్:
రాయల్ ఛాలెంజర్స్ బెంగళూరుతో జరిగిన 28 మ్యాచ్ల్లో ఆయన ఒక్కసారి కూడా ప్లేయర్ ఆఫ్ ది మ్యాచ్ అవార్డు గెలవలేదు.
వివరాలు
ఆ గౌరవం దక్కని మరికొందరు
ఢిల్లీ క్యాపిటల్స్పై రాబిన్ ఉతప్ప:
మాజీ క్రికెటర్ రాబిన్ ఉతప్ప, ఢిల్లీ క్యాపిటల్స్పై తన కెరీర్లో 28 మ్యాచ్లు ఆడారు. ఆయనకు ఒక్కసారి కూడా ప్లేయర్ ఆఫ్ ది మ్యాచ్ గౌరవం దక్కలేదు.
సన్రైజర్స్ హైదరాబాద్పై సునీల్ నరైన్:
మిస్టరీ స్పిన్నర్ సునీల్ నరైన్, అనేక మంది బ్యాటర్లకు సవాల్గా నిలిచినా, సన్రైజర్స్ హైదరాబాద్పై ఆడిన 27 మ్యాచ్ల్లో ఒక్క అవార్డూ అందుకోలేకపోయారు.
పంజాబ్ కింగ్స్పై యూసఫ్ పఠాన్:
హిట్టింగ్కు పేరుగాంచిన యూసఫ్ పఠాన్, పంజాబ్ కింగ్స్పై 24 మ్యాచ్లు ఆడారు.
అనేక ఇన్నింగ్స్లు ఆడినప్పటికీ, ఆ జట్టుపై ఆయనకు ఒక్కసారి కూడా ప్లేయర్ ఆఫ్ ది మ్యాచ్ అవార్డు లభించలేదు.