IPL 2026 Auction Date: ఐపీఎల్ మినీ వేలం తేదీ ఖరారు… వరుసగా మూడో ఏడాది ఇదే ఫార్మాట్‌!
ఈ వార్తాకథనం ఏంటి
ఐపీఎల్ 2026 మినీ వేలంపై కీలక సమాచారం బయటకొచ్చింది. తాజా నివేదికల ప్రకారం ఈ వేలం డిసెంబర్‌ 16న జరుగనుందని తెలుస్తోంది. ముఖ్యంగా ఈసారి ఇండియాలో కాకుండా అబుదాబిలో వేలం నిర్వహించాలనే ప్రణాళికను భారత క్రికెట్‌ నియంత్రణ మండలి (బీసీసీఐ) పరిశీలిస్తోంది. మినీ వేలం కావడంతో మొత్తం కార్యక్రమం ఒక్క రోజులోనే పూర్తవనుంది. ఈ విషయాన్ని ఓ ప్రముఖ క్రీడా ఛానెల్‌ తన నివేదికలో వెల్లడించింది. గమనించాల్సిన అంశం ఏమంటే, ముందుగా ముంబైలో డిసెంబర్‌ 15న వేలం జరగొచ్చని వార్తలు వచ్చాయి. వేలం తేదీని బీసీసీఐ నవంబర్‌ 15 (శనివారం) అధికారికంగా ప్రకటించనుంది.
Details
వరుసగా మూడోసారి అబుదాబిలో వేలం
కోల్‌కతాలో భారత్-దక్షిణాఫ్రికా మొదటి టెస్టు రెండో రోజు ఆట అనంతరం ఈ తేదీపై అధికారిక ప్రకటన చేసే అవకాశాలు ఉన్నాయి. ఐపీఎల్ వేలం విదేశాల్లో జరగడం ఇది కొత్తేమీ కాదు. 2024 వేలం దుబాయ్‌లో, 2025 మెగా వేలం జెడ్డాలో జరిగిన విషయం తెలిసిందే. అబుదాబిలో జరిగితే వరుసగా మూడోసారి విదేశాల్లో జరిగే వేలం అవుతుంది. ఇకపోతే 10 ఫ్రాంచైజీలు తమ రిటెన్షన్‌ లిస్టును నవంబర్‌ 15 మధ్యాహ్నం 3 గంటల్లోపు బీసీసీఐకి సమర్పించాలి.
Details
రిజిస్టర్డ్‌ ఆటగాళ్ల లిస్టు రిలీజ్
ఫ్రాంచైజీల నుంచి జాబితాలు అందుకున్న తర్వాత, బోర్డు రిజిస్టర్డ్‌ ఆటగాళ్ల లిస్టును విడుదల చేస్తుంది. ఆ జాబితా ఆధారంగా షార్ట్‌లిస్ట్‌ తయారు చేయబడుతుంది. వేలం ముందురోజుల్లో జోరుగా ట్రేడింగ్‌ జరుగుతున్నట్టు సమాచారం. ఐపీఎల్ 2026 సీజన్‌ కోసం బీసీసీఐ మార్చి 15 నుంచి మే 31 వరకు తాత్కాలిక విండో నిర్ణయించింది. దీంతో అభిమానులు వచ్చే ఏడాది దాదాపు రెండున్నర నెలల పాటు తతంగమైన క్రికెట్‌ ఉత్సవాన్ని ఆస్వాదించనున్నారు.