IPL 2023: రాణించిన జోస్ బట్లర్.. చైన్నై లక్ష్యం ఎంతంటే?
ఇండియన్ ప్రీమియర్ లీగ్ 2023లో భాగంగా 17వ మ్యాచ్‌లో రాజస్థాన్ రాయల్స్, చైన్నై సూపర్ కింగ్స్ తలపడ్డాయి. చైన్నైలోని చిదంబరం స్టేడియంలో మొదట టాస్ గెలిచిన కెప్టెన్ ఎంఎస్ ధోని బౌలింగ్ ఎంచుకున్నాడు. బ్యాటింగ్ దిగిన రాజస్థాన్ మొదట్లోనే ఓపెనర్ యశస్వీ జైస్వాల్ (10) వికెట్ ను కోల్పోయింది. అనంతరం క్రీజులోకి దేవదత్ ఫడిక్కల్ తో కలిసి జోస్ బట్లర్ ఇన్నింగ్స్ ను చక్కదిద్దాడు. వీరిద్దరూ రెండో వికెట్ కు 70 పరుగులకు పైగా భాగస్వామ్యాన్ని నెలకొల్పారు. ఫడిక్కల్ 38(26)పరుగులు చేసి జడేజ్ బౌలింగ్ లో ఔటయ్యాడు. జోస్ బట్లర్ 52(36) పరుగులతో చెలరేగాడు. ఎన్నో ఆశలతో బరిలోకి దిగిన కెప్టెన్ సంజు శాంసన్(0) డకౌట్ అయ్యాడు.
రెండు వికెట్లు తీసిన రవీంద్ర జడేజా
చివర్లో రవిచంద్రన్ అశ్విన్ 22 బంతుల్లో 30 పరుగులు, హిట్ మేయర్ 18 బంతుల్లో 30 పరుగులతో విజృంభించాడు. రాజస్థాన్ బౌలర్లలో తుషార్ దేశ్‌పాండే మూడు వికెట్లు, రవీంద్ర జడేజా రెండు వికెట్లు, అకాష్ సింగ్, మెయిన్ అలీ, ఆకాష్ సింగ్ తలా ఓ వికెట్ తీశారు. రాజస్థాన్ నిర్ణీత 20 ఓవర్లలో ఎనిమిది వికెట్ల నష్టానికి 175 పరుగులు చేసింది.
