Cheteshwar Pujara: రోహిత్ కంటే కోహ్లీకే సెంచరీ అవకాశాలు ఎక్కువ.. కారణం చెప్పిన పుజారా!
ఈ వార్తాకథనం ఏంటి
న్యూజిలాండ్‌తో ఐదు వన్డేల సిరీస్‌కు టీమిండియా సిద్ధమవుతోంది. మరో రెండు రోజుల్లో ఈ సిరీస్ ప్రారంభం కానుండటంతో కెప్టెన్ శుభ్‌మన్ గిల్ నాయకత్వంలోని భారత జట్టు ఇప్పటికే ముమ్మరంగా సాధన చేస్తోంది. సీనియర్‌ క్రికెటర్లు రోహిత్ శర్మ, విరాట్ కోహ్లీ కూడా ఈ సిరీస్‌లో బరిలోకి దిగేందుకు సిద్ధమవుతున్నారు. బుధవారం ఆక్లాండ్ వేదికగా తొలి వన్డే జరగనుంది. ఈ నేపథ్యంలో సిరీస్‌లో రోహిత్ శర్మతో పోలిస్తే విరాట్ కోహ్లీకి సెంచరీలు చేసే అవకాశాలు ఎక్కువగా ఉన్నాయని మాజీ క్రికెటర్ చతేశ్వర్ పుజారా అభిప్రాయపడ్డాడు. ఇందుకు గల కారణాలను కూడా వివరించాడు.
వివరాలు
కోహ్లీకి సెంచరీ అవకాశాలు ఎందుకు ఎక్కువ?
న్యూజిలాండ్‌లో రోహిత్ శర్మ తన సహజమైన దూకుడైన ఆటతీరుతో పవర్‌ప్లేలో వీలైనన్ని ఎక్కువ పరుగులు సాధించడంపై దృష్టి పెట్టాల్సి ఉంటుందని పుజారా పేర్కొన్నాడు.
కివీస్ గడ్డపై కూడా అతడి పాత్రలో పెద్దగా మార్పు ఉండకపోవచ్చని చెప్పాడు. రోహిత్ కూడా సెంచరీ చేయడానికి ప్రయత్నిస్తాడని ఆశిస్తున్నట్లు తెలిపాడు.
అయితే విరాట్ కోహ్లీకి మాత్రం శతకాలు సాధించే అవకాశాలు మరింత మెరుగ్గా ఉన్నాయని విశ్లేషించాడు.
పవర్‌ప్లేలో వీలైనన్ని ఎక్కువ పరుగులు రాబట్టడమే రోహిత్ శర్మ బాధ్యత. న్యూజిలాండ్‌లోనూ అతడి పాత్రలో పెద్దగా మార్పు ఉండకపోవచ్చు.
సెంచరీ కోసం ప్రయత్నిస్తాడని అనుకుంటున్నా. అయితే, రోహిత్‌తో పోలిస్తే విరాట్ కోహ్లీకి శతకం చేసే అవకాశాలు ఇంకాస్త ఎక్కువగా ఉంటాయి.
వివరాలు
కివీస్‌కు కాస్త అడ్వాంటేజ్..
కోహ్లీ మూడో స్థానంలో బ్యాటింగ్‌కు వస్తాడు. అక్కడ అతడు ఎక్కువగా యాంకర్‌ పాత్ర పోషించాల్సి ఉంటుంది. ఈ స్థానంలో బ్యాటింగ్‌కు వచ్చే ఆటగాడికి సెంచరీ చేయడం కొంత సులభం.
కివీస్‌లో పిచ్‌ పరిస్థితులను బట్టి ఓపెనర్లు కూడా తమ ఆటతీరును మార్చుకోవాల్సి ఉంటుంది. ఎప్పుడూ దూకుడుగా ఆడతామంటే కుదరదని పుజారా వివరించాడు.
ఈ వన్డే సిరీస్‌లో భారత్‌తో పోలిస్తే న్యూజిలాండ్‌కు కొంత అనుకూలత ఉంటుందని పుజారా అభిప్రాయపడ్డాడు. అక్కడి వాతావరణం, పిచ్‌ పరిస్థితులు ఆ జట్టుకు కలిసి వస్తాయని పేర్కొన్నాడు.
మరోవైపు ఐదు మ్యాచ్‌ల సిరీస్‌లో తొలి మూడు వన్డేల్లో టీమ్‌ఇండియా ఒక జట్టుతో బరిలోకి దిగుతుందని, ఆ తర్వాతి రెండు మ్యాచ్‌లకు జట్టులో మార్పులు చోటుచేసుకునే అవకాశం ఉందని వివరించాడు.
వివరాలు
సిరీస్ పై ఇండియా పట్టు సాధిస్తుంది
అయితే తొలి మూడు మ్యాచ్‌ల్లోనే భారత ఆటగాళ్లు దూకుడుగా ఆడి సిరీస్‌పై పట్టు సాధిస్తారని పుజారా ఆశాభావం వ్యక్తం చేశాడు.
ఈ సిరీస్ రెండు జట్ల మధ్య హోరాహోరీగా సాగుతుందని అంచనా వేశాడు. ఈ వన్డే సిరీస్‌లో భారత్‌తో పోలిస్తే న్యూజిలాండ్‌కు కాస్త అడ్వాంటేజ్ ఉంటుంది.
అక్కడి పరిస్థితులు ఆ జట్టుకు అనుకూలంగా ఉంటాయి. మరోవైపు ఐదు వన్డేల్లో తొలి మూడు మ్యాచ్‌ల్లో టీమ్‌ఇండియా ఒకే జట్టుతో ఆడుతుంది.
ఆ తర్వాతి రెండు మ్యాచ్‌ల్లో మార్పులతో బరిలోకి దిగుతుంది.
అయితే తొలి మూడు మ్యాచ్‌ల్లోనే మన ఆటగాళ్లు దూకుడుగా ఆడి సిరీస్‌లో పైచేయి సాధిస్తారని అనిపిస్తోంది. ఈ సిరీస్ తప్పకుండా హోరాహోరీగా సాగుతుంది.