Dhoni: సాక్షిని ఆటపట్టించిన ఎంఎస్ ధోనీ.. నవ్వులు పూయిస్తున్న వీడియో ఇదే!
ఈ వార్తాకథనం ఏంటి
టీమిండియా మాజీ కెప్టెన్, దిగ్గజ వికెట్ కీపర్ బ్యాటర్ ఎంఎస్ ధోని తన భార్య సాక్షితో కలిసి చేసిన ఓ సరదా పని ప్రస్తుతం సోషల్ మీడియాలో వైరల్‌గా మారింది. మైదానంలో ఎంతో ప్రశాంతంగా, గంభీరంగా కనిపించే ధోనీ.. భార్యతో ఉన్నప్పుడు మాత్రం సరదాగా ఆటపట్టిస్తూ అందరినీ నవ్వించాడు. ఈ వీడియో చూసిన అభిమానులు ధోనీలోని మరో కోణాన్ని చూసి ఆశ్చర్యం వ్యక్తం చేస్తున్నారు.
వివరాలు
భార్య సాక్షితో ధోనీ సరదా ప్రాంక్.. వీడియో వైరల్!
గుజరాత్‌లోని జామ్‌నగర్‌లో అంబానీ కుటుంబం నిర్వహించిన నవరాత్రి మేళాకు ఎంఎస్ ధోనీ తన భార్య సాక్షితో కలిసి హాజరయ్యాడు.
ఆదివారం (అక్టోబర్ 18) రిలయన్స్ గ్రీన్స్‌లో జరిగిన ఈ వేడుకల్లో వారిద్దరూ సందడి చేశారు. ఈ కార్యక్రమంలో అనంత్ అంబానీ, రాధికా మర్చంట్‌తో పాటు పలువురు ప్రముఖులు పాల్గొన్నారు.
ఈ వేడుకల్లో భాగంగా ధోనీ తన భార్య సాక్షికి ఐస్‌క్రీమ్ తినిపించేందుకు ప్రయత్నించాడు. అయితే, సాక్షి ఐస్‌క్రీమ్ తినబోతున్న సమయంలో దాన్ని వెనక్కి లాగి తానే తినేశాడు.
ఇలా రెండు మూడు సార్లు చేయడంతో సాక్షి నవ్వులు పూయించింది. ధోనీ చేసిన ఈ చిన్నపాటి ప్రాంక్‌కు సంబంధించిన వీడియో ప్రస్తుతం నెట్టింట చక్కర్లు కొడుతోంది.
వివరాలు
అర్ధరాత్రి 2 గంటల వరకు సందడి
రిలయన్స్ గ్రీన్స్‌లో జరిగిన నవరాత్రి వేడుకలకు సంబంధించిన మరికొన్ని వీడియోలు కూడా సోషల్ మీడియాలో కనిపిస్తున్నాయి.
వాటిలో ఎంఎస్ ధోనీ, సాక్షి, అనంత్ అంబానీ, రాధికా మర్చంట్ కలిసి సందడి చేస్తూ కనిపించారు. రాత్రి సుమారు 2 గంటల సమయంలోనూ వారు అక్కడి వినోద కార్యక్రమాలు, రైడ్లను ఆస్వాదించారు.
అంబానీ కుటుంబం నిర్వహించిన ఈ నవరాత్రి మేళా సంప్రదాయ సంగీతం, గర్బా నృత్యాలు, వినోదభరితమైన ఆటలు, ప్రత్యేక రైడ్లతో సందడిగా సాగింది.
క్రికెట్, వ్యాపార, సినీ రంగాలకు చెందిన పలువురు ప్రముఖులు ఈ వేడుకల్లో పాల్గొన్నారు. సంప్రదాయ కార్యక్రమాలతో పాటు వినోద కార్యక్రమాలు అతిథులను ఆకట్టుకున్నాయి.