Jasprit Bumrah : నా భార్య మీడియాలో పనిచేస్తోంది.. ఆ సమయంలో కెరీర్‌పై అనేక అనుమానాలొచ్చాయి : జస్ప్రిత్ బుమ్రా
ఈ వార్తాకథనం ఏంటి
టీమిండియా స్టార్ జస్పిత్ బుమ్రా వన్డే వరల్డ్ కప్ 2023 టోర్నీలో అద్భుతంగా రాణిస్తున్నాడు.
గత ఇంగ్లండ్ మ్యాచులో మూడు వికెట్లు పడగొట్టి భారత్ విజయంలో కీలక పాత్ర పోషించాడు. దీంతో అతడిపై ప్రశంసల వర్షం కురుస్తోంది. ఈ సందర్భంగా 'స్కై స్పోర్ట్స్' తో బుమ్రా ఆసక్తికర వ్యాఖ్యలు చేశాడు.
గాయం కారణంగా జట్టుకు దూరమైనప్పుడు సోషల్ మీడియాలో జరిగిన ప్రచారంపై స్పందించాడు.
జాతీయ జట్టులో బలంగా పునరాగమానం చేయడం చాలా సంతోషంగా ఉందని వెల్లడించారు.
గతేడాది గాయంతో తన కెరీర్ ముగిసిందని సోషల్ మీడియా వేదికగా ప్రచారం జరిగిందని, అదంతా తప్పు అని నిరూపించినందుకు చాలా ఆనందంగా ఉందని బుమ్రా చెప్పాడు.
Details
తాను తిరిగి జట్టులోకి రావడం సంతోషంగా ఉంది
తన భార్య కూడా స్పోర్ట్స్ మీడియా విభాగంలో పనిచేస్తోందని, కాబట్టి తాను తిరిగి జట్టులోకి రాలేనని ప్రశ్నలు చాలానే విన్నానని బుమ్రా పేర్కొన్నారు.
కానీ అది నిజం కాదని, తాను తిరిగి జట్టులోకి వచ్చానని తెలియజేశాడు.
ఇక ఇంగ్లండ్‌తో జరిగిన మ్యాచ్ పై స్పందిస్తూ కాస్త ఒత్తిడికి గురికావడం మంచి సవాలని, బౌలర్లు రాణించడంతో మంచి ఫలితం వచ్చిందని వివరించారు.
ఇక నవంబర్ 2న శ్రీలంకతో టీమిండియా తలపడనుంది.