వన్ అండ్ ఓన్లీ రియల్ కింగ్ విరాట్ కోహ్లి : పాకిస్థాన్ స్టార్ ప్లేయర్
ఈ వార్తాకథనం ఏంటి
ఉప్పల్ వేదికగా సన్ రైజర్స్ హైదరాబాద్‌తో జరిగిన మ్యాచులో విరాట్ కోహ్లీ సెంచరీతో చెలరేగాడు. ఐపీఎల్ లో నాలుగేళ్ల తర్వాత సెంచరీ చేసిన విరాట్ కోహ్లీపై ప్రస్తుతం సోషల్ మీడియా వేదికగా ప్రశంసల వర్షం కురుస్తోంది.
ఈ మ్యాచులో 63 బంతుల్లో 12 ఫోర్ల, 4 సిక్సర్ల సాయంతో 100 పరుగులు చేశాడు. ఐపీఎల్లో కింగ్ కోహ్లీకి ఇది ఆరో సెంచరీ కావడం గమనార్హం.
తాజాగా పాకిస్థాన్ మాజీ పేసర్ అమీర్, కోహ్లీని పొగడ్తలతో ముంచెత్తారు. గురువారం అర్ధరాత్రి అమీర్, విరాట్ కోహ్లీ సెంచరీపై ట్వీట్ చేశాడు.
'వాట్‌ ఏ ఇన్నింగ్స్.. వన్ అండ్ ఓన్లీ రియల్ కింగ్ విరాట్ కోహ్లి.. టేక్ ఎ బో" అంటూ అమీర్ ట్విటర్‌లో పేర్కొనడం విశేషం.
Details
ఐపీఎల్ లో క్రిస్ గేల్ రికార్డును సమం చేసిన కోహ్లీ
ఇటు టీమిండియా మాజీ క్రికెటర్లు యువరాజ్ సింగ్, సచిన్ టెండుల్కర్ కూడా కోహ్లీని కొనియాడారు. విరాట్ కోహ్లీ కోసం అందరూ లేచి నిల్చుకోవాలని, అతని ఇన్నింగ్స్ చూడముచ్చటగా ఉందని యూవీ ట్వీట్ చేశాడు.
కోహ్లీ, డుప్లెసిస్ క్రీజులో నిల్చుకుంటే 186 పరుగుల లక్ష్యం కూడా సరిపోదని సచిన్ తన ట్విట్టర్ లో రాసికొచ్చాడు.
ఐపీఎల్ లో 6 సెంచరీలు చేసిన కోహ్లీ.. క్రిస్ గేల్ అత్యధిక సెంచరీల రికార్డును సమం చేశాడు.
ఒకే మ్యాచ్‌లో రెండు టాప్ క్వాలిటీ సెంచరీలు చేయడం అద్భుతమని, క్లాసిన్- కోహ్లీ శభాష్ అంటూ ఆకాశ్ చోప్రా ట్వీట్ చేశాడు.