Maxwell: పంజాబ్ కింగ్స్‌కు గట్టి ఎదురుదెబ్బ.. ఐపీఎల్‌కు మాక్స్‌వెల్ దూరం
ఈ వార్తాకథనం ఏంటి
పంజాబ్ కింగ్స్ జట్టుకు ఓ చేదువార్త. ఆస్ట్రేలియా ఆల్‌రౌండర్ గ్లెన్ మాక్స్‌వెల్ ఐపీఎల్ టోర్నమెంటు నుండి తప్పుకోనున్నాడు. అతడి చేతి వేలు విరిగిపోవడంతో మిగిలిన మ్యాచ్‌ల్లో ఆడలేకపోవచ్చు. ఇటీవల కోల్‌కతా నైట్ రైడర్స్‌తో జరిగిన మ్యాచ్‌లో వర్షం ప్రారంభానికి ముందే మాక్స్‌వెల్ గాయపడ్డాడు. ఆ మ్యాచ్‌లో అతను కేవలం 7 పరుగులకే వెనుదిరిగాడు. అంతేకాక, ఈ సీజన్ మొత్తం చూస్తే అతడి ఆటతీరు ఆశాజనకంగా కనిపించలేదు. తాజాగా మంగళవారం చెన్నై సూపర్ కింగ్స్‌తో జరిగిన పోరులో, మాక్స్‌వెల్ స్థానంలో యువ ఆటగాడు సూర్యాన్ష్ షెడ్జ్‌ను జట్టులోకి తీసుకున్నారు. ఈ మ్యాచ్‌లో పంజాబ్ నాలుగు వికెట్ల తేడాతో విజయం సాధించింది.
వివరాలు
ప్రత్యామ్నాయాన్ని ఎంపిక చేయడానికి ప్రయత్నాలు
ఈ సందర్భంగా మాక్స్‌వెల్ గాయానికి సంబంధించి ఆస్ట్రేలియన్ క్రికెటర్ మార్కస్ స్టాయినిస్ స్పందించాడు. "దురదృష్టవశాత్తూ, మాక్స్‌వెల్‌కు శిక్షణ సమయంలో గాయం జరిగింది. మొదట్లో అది చిన్న గాయమేనేమో అనుకున్నాం. కానీ ఆపై స్కానింగ్‌లో ఆయన వేలు విరిగిందని నిర్ధారణ అయింది. దీంతో అతడు ఈ టోర్నీలో ఇక పాల్గొనలేడనేది నా అభిప్రాయం," అని స్టాయినిస్ పేర్కొన్నాడు. మరోవైపు, పంజాబ్ కింగ్స్ హెడ్ కోచ్ రికీ పాంటింగ్ మాట్లాడుతూ, మాక్స్‌వెల్ స్థానాన్ని భర్తీ చేయడానికి సరైన ప్రత్యామ్నాయాన్ని ఎంపిక చేయడానికి ప్రయత్నాలు కొనసాగుతున్నాయని స్పష్టం చేశాడు.
ట్విట్టర్ పోస్ట్ చేయండి
ఐపీఎల్‌కు మాక్స్‌వెల్ దూరం
PBKS captain Shreyas Iyer has hinted that Glenn Maxwell is likely ruled out for the rest of IPL 2025 due to a finger injury.#GlennMaxwell #IPL2025 #CSKvPBKS #PBKS pic.twitter.com/RQ9ioxWofC
— Cricket Arena News (@CricketarenaN) April 30, 2025