Chikiri Chikiri Song: రిలీజ్కు ముందే 'పెద్ది' సంచలనం.. 'చికిరి చికిరి'కు 200 మిలియన్ వ్యూస్
ఈ వార్తాకథనం ఏంటి
మెగా పవర్ స్టార్ రామ్ చరణ్ కథానాయకుడిగా, బుచ్చి బాబు సానా దర్శకత్వంలో తెరకెక్కుతున్న హై వోల్టేజ్ స్పోర్ట్స్ డ్రామా 'పెద్ది' నుంచి విడుదలైన తొలి గీతం 'చికిరి చికిరి' గ్లోబల్ స్థాయిలో సంచలనంగా మారింది. సినిమా ప్రమోషన్లలో భాగంగా ముందుగా విడుదల చేసిన ఈ పాట, ఐదు భాషల్లో కలిపి 200 మిలియన్లకు పైగా వ్యూస్ సాధిస్తూ రికార్డులు సృష్టించింది. ఆస్కార్ అవార్డు గ్రహీత ఏఆర్ రెహమాన్ సంగీతం అందించిన ఈ పాటకు అదిరిపోయే బీట్స్, ఉత్సాహభరిత ఎనర్జీ ప్రధాన ఆకర్షణగా నిలుస్తున్నాయి. ముఖ్యంగా రామ్ చరణ్ స్టైల్, స్వాగ్, గ్రేస్ఫుల్ డాన్స్ మూమెంట్స్ పాటకు ప్రత్యేక హైలైట్గా మారాయి.
Details
ఇప్పటికే 2 మిలియన్లకు పైగా లైక్స్
ఈ సాంగ్కు ఇప్పటికే 2 మిలియన్లకు పైగా లైక్స్ లభించగా, వివిధ మ్యూజిక్ ప్లాట్ఫార్మ్స్లో 60 మిలియన్లకు మించి ఆడియో స్ట్రీమ్స్ నమోదయ్యాయి. సోషల్ మీడియాలో కూడా 'చికిరి చికిరి' పాట విపరీతంగా వైరల్ అవుతోంది. ఇన్స్టాగ్రామ్లో మూడు లక్షలకు పైగా రీల్స్, యూట్యూబ్లో 8.7లక్షలకు పైగా షార్ట్స్ ఈ పాట హుక్ స్టెప్ను రీక్రియేట్ చేస్తూ ట్రెండ్గా నిలిచాయి. వెంకట సతీష్ కిలారు నిర్మాణంలో, వృద్ధి సినిమాస్ బ్యానర్పై రూపొందుతున్న ఈ చిత్రాన్ని మైత్రి మూవీ మేకర్స్, సుకుమార్ రైటింగ్స్తో కలిసి ప్రెజెంట్ చేస్తున్నారు. ఈ సినిమాలో జాన్వీ కపూర్ హీరోయిన్గా నటిస్తోంది. భారీ అంచనాల నడుమ 'పెద్ది' చిత్రం మార్చి 27న పాన్ ఇండియా స్థాయిలో థియేటర్లలో విడుదలకు సిద్ధమవుతోంది.