IPL2023: ఉత్కంఠ పోరులో రాజస్థాన్ రాయల్స్ విజయం
ఈ వార్తాకథనం ఏంటి
ఇండియన్ ప్రీమియర్ లీగ్ 2023లో భాగంగా చిదంబరం స్టేడియంలో రాజస్థాన్ రాయల్స్, చైన్నై సూపర్ కింగ్స్ తలపడ్డాయి. మొదట టాస్ గెలిచిన కెప్టెన్ ఎంఎస్ ధోని బౌలింగ్ ఎంచుకున్నాడు. బ్యాటింగ్ కు దిగిన రాజస్థాన్ రాయల్స్ నిర్ణీత 20 ఓవర్లలో ఎనిమిది వికెట్ల నష్టానికి 175 పరుగులు చేసింది.
జోస్ బట్లర్ 36 బంతుల్లో 52 పరుగులు, హిట్ మేయర్ 18 బంతుల్లో 30 పరుగులతో చెలరేగడంతో రాజస్థాన్ గౌరవప్రదమైన స్కోరును చేసింది.
చైన్నై బౌలర్లలో తుషార్ దేశ్‌పాండే మూడు వికెట్లు, రవీంద్ర జడేజా రెండు వికెట్లతో రాణించారు. లక్ష్య చేధనకు బ్యాటింగ్ చైన్నై సూపర్ కింగ్స్ బ్యాటర్లు మొదట్లో బాగా రాణించినా మిడిలార్డర్ బ్యాటర్లు విఫలమయ్యారు.
చైన్నై సూపర్ కింగ్స్
రాణించిన రాజస్థాన్ స్పిన్నర్లు
రుతురాజ్ గైక్వాడ్(8) శివందూబే(8), మెయిన్ అలీ(7), అంబటి రాయుడు(1) పూర్తిగా నిరాశపరిచారు. డెవాన్ కాన్వే 50 పరుగులు, అజింక్యా రహానే 31 పరుగులతో ఫర్వాలేదనిపించారు.
చివర్లో మహేంద్ర సింగ్ ధోని 32 పరుగులు, జడేజా 25 పరుగులతో మెరుపులు మెరిపించినా ఫలితం లేకుండా పోయింది. నిర్ణీత 20 ఓవర్లలో 6 వికెట్ల నష్టానికి 172 పరుగులు చేసింది. దీంతో చైన్నై 3 పరుగుల తేడాతో ఓటమిపాలైంది.
రాజస్థాన్ బౌలర్లలో రవిచంద్రన్ అశ్విన్, యుజేంద్ర చాహెల్ రెండు వికెట్లతో చైన్నై బ్యాటర్ల నడ్డి విరిచారు.