Ashwin: భారత మాజీ స్పిన్నర్‌ రవిచంద్రన్‌ అశ్విన్ దురుసు ప్రవర్తన.. తీవ్ర విమర్శలు
ఈ వార్తాకథనం ఏంటి
తమిళనాడు ప్రీమియర్ లీగ్‌ (టీఎన్‌పీఎల్‌)లో భారత మాజీ ఆఫ్‌స్పిన్నర్‌ రవిచంద్రన్‌ అశ్విన్ ప్రవర్తన ఇప్పుడు తీవ్ర విమర్శలకు కేంద్రంగా మారింది.
మహిళా అంపైర్‌ వెంకటేశన్‌ కృతిక తీసుకున్న ఒక నిర్ణయాన్ని అశ్విన్ అంగీకరించకపోవడం వల్ల ఆయన ప్రవర్తన ప్రతి ఒక్కరినీ ఆశ్చర్యానికి గురిచేసింది.
ఈ ఘటన ఆదివారం జరిగిన దిండిగల్‌ డ్రాగన్స్‌,తిరుప్పూర్‌ తమిళియన్స్‌ మధ్య మ్యాచ్‌లో చోటు చేసుకుంది.
డ్రాగన్స్‌ తరఫున కెప్టెన్‌గా బరిలోకి దిగిన అశ్విన్ (18 పరుగులు), శివమ్‌ సింగ్‌ (30 పరుగులు) కలిసి ఇన్నింగ్స్‌ను ప్రారంభించారు.
సాయికిశోర్‌ (2 వికెట్లు 10 పరుగులకు)వేసిన ఐదో ఓవర్‌లో,అయిదో బంతిని అశ్విన్ ప్యాడిల్‌ స్వీప్‌ షాట్‌ ఆడారు.
వివరాలు
అంపైర్‌ తీర్పుతో తీవ్ర అసంతృప్తికి లోనైన అశ్విన్
ఆ సమయంలో బంతి ఆయన ప్యాడ్లను తాకగా, సింగిల్‌ కోసం పరుగెత్తిన అశ్విన్ పై బౌలర్‌ అప్పీల్‌ చేయగా, అంపైర్‌ కృతిక అతన్ని ఔట్‌గా ప్రకటించారు.
అయితే రీప్లేలో చూస్తే బంతి లెగ్‌ స్టంప్‌ బయట పిచ్‌ అయినట్టు స్పష్టంగా కనబడింది.
అయితే, అశ్విన్, శివమ్‌ సింగ్‌లు మొదటి ఓవర్‌లోనే లెగ్‌ సైడ్‌ వైడ్‌ కేసుల్లో డీఆర్‌ఎస్‌ (డిసిషన్‌ రివ్యూ సిస్టం) రెండు అవకాశాలను వినియోగించేసినందున, అశ్విన్ వద్ద మరో అవకాశం మిగలలేదు.
చివరికి నిరాశతో ఆయన డగౌట్‌ వైపు వెళ్లాల్సి వచ్చింది.అంపైర్‌ తీర్పుతో తీవ్ర అసంతృప్తికి లోనైన అశ్విన్ ఆమెతో వాదించినా ప్రయోజనం లేకపోయింది.
మైదానం నుండి నిష్క్రమించే సమయంలో ఆయన స్వాభావాన్ని నియంత్రించుకోలేకపోయాడు.
వివరాలు
గ్లోవ్‌ను గ్యాలరీ వైపు విసిరేసిన అశ్విన్
తీవ్ర కోపంతో తన బ్యాట్‌ను గట్టిగా ప్యాడ్లపై బాదాడు. బౌండరీ వద్దకు చేరుకోగానే, తన గ్లోవ్‌ను గ్యాలరీ వైపు విసిరేశాడు.
అశ్విన్ ప్రవర్తనపై ఇప్పటివరకు టీఎన్‌పీఎల్‌ నుంచి ఎలాంటి అధికారిక చర్యలు ప్రకటించలేదు.
మ్యాచ్‌ రిఫరీ నివేదికలో దీనిపై ఏమి ఉంటుందో వేచి చూడాల్సి ఉంది.
ఈ మ్యాచ్‌లో తిరుప్పూర్‌ జట్టు 9 వికెట్ల తేడాతో దిండిగల్‌ డ్రాగన్స్‌ను ఓడించి ఘన విజయాన్ని సాధించింది.