Rohan Bopanna: గ్రాండ్ స్లామ్ టెన్నిస్‌లో రోహన్ బోప్పన్న ప్రపంచ రికార్డు
గ్రాండ్ స్లామ్ టెన్నిస్‌లో రోహన్ బోపన్న కొత్త చరిత్రను లిఖించాడు. గ్రాండ్ స్లామ్ టోర్నీ ఫైనల్లోకి ఎంట్రీ ఇచ్చిన అత్యంత వృద్ధ ఆటగాడిగా రికార్డుకెక్కాడు. ప్రస్తుతం జరగుతున్న యూఎస్ ఓపెన్ పురుషుల డబుల్స్ ఫైనల్స్ కో బొప్పన్న జోడీ ఎంట్రీ ఇచ్చింది. ఆస్ట్రేలియా పార్ననర్ మాథ్యూ ఎబ్డిన్ తో కలిసి యూఎస్ ఓపెన్ ఆడిన బోపన్న సెమీస్ లో 7-6 (7-3), 6-2 స్కోరుతో ఫ్రెంచ్ జంట పియ‌రీ హ్యూజ‌స్ హెర్బ‌ర్ట్‌, నికోల‌స్ మాహుట్‌ల‌ను మట్టి కరిపించారు. దీంతో గ్రాండ్‌స్లామ్ పురుషుల డ‌బుల్ ఫైనల్స్‌లోకి బొపన్న రెండోసారి ప్రవేశించాడు.
43 ఏళ్ల వయస్సులో గ్రాండ్ స్లామ్ ఫైనల్ లోకి ఎంట్రీ ఇచ్చిన బోపన్న
యూఎస్ ఓపెన్‌లో ఆరో సీడ్ గా బోపన్న జోడి రంగంలోకి దిగింది. ఈ ఏడాది వింబుల్డన్ ఛాంపియన్ షిప్ సెమీ ఫైనల్లోకి కూడా ఈ జోడీ ఎంట్రీ ఇచ్చింది. బోపన్న 43 ఏళ్ల వయస్సులో గ్రాండ్ స్లామ్ ఫైనల్లోకి ఎంట్రీ ఇవ్వడం విశేషం. మొత్తం మీద గ్రాండ్ స్లామ్ ఫైనల్లోకి ప్రవేశించన ఓల్డెస్ట్ ప్లేయర్ గా చరిత్రకెక్కాడు. గతంలో కెనడాకి చెందిన డానియల్ నెస్టర్ గ్రాండ్ స్లామ్ ఫైనల్ మ్యాచును ఆడిన విషయం తెలిసిందే.
