Rohit Sharma: రోహిత్ శర్మ వీరవిహారం... వన్డేల్లో ద్రవిడ్‌ను దాటేసి, గేల్ రికార్డును బద్దలుకొట్టిన హిట్ మ్యాన్!
ఈ వార్తాకథనం ఏంటి
టీమిండియా కెప్టెన్ రోహిత్ శర్మ ఎట్టకేలకు ఫామ్ లోకి వచ్చాడు. ఆదివారం జరిగిన రెండో వన్డేలో హిట్‌మ్యాన్ 90 బంతుల్లో 119 పరుగులు (12 ఫోర్లు, 7 సిక్స్‌లు) బాది సెంచరీ నమోదు చేశాడు.
అతను 30 బంతుల్లోనే హాఫ్ సెంచరీ సాధించగా, 76 బంతుల్లో శతకం పూర్తి చేశాడు. రోహిత్ చాలా నెలల తర్వాత వంద రన్స్ పూర్తి చేయడంతో అభిమానులు ఆనందం వ్యక్తం చేస్తున్నారు.
ముఖ్యంగా 2025 ఛాంపియన్స్ ట్రోఫీ సమీపిస్తున్న తరుణంలో రోహిత్ శర్మ ఫామ్‌లోకి రావడం భారత జట్టుకు మంచి సంకేతంగా మారింది.
ఈ శతకంతో వన్డే క్రికెట్‌లో అత్యధిక పరుగులు చేసిన బ్యాటర్ల జాబితాలో రోహిత్ శర్మ టాప్-10లోకి ప్రవేశించాడు.
Details
నాలుగో స్థానంలో హిట్ మ్యాన్
ఈ క్రమంలో, మాజీ టీమిండియా కెప్టెన్ రాహుల్ ద్రవిడ్‌ను రోహిత్ వెనక్కినెట్టి ముందుకు దూసుకెళ్లాడు.
ద్రవిడ్‌ 318 ఇన్నింగ్స్‌ల్లో 10,889 పరుగులు సాధించగా, రోహిత్ 259 ఇన్నింగ్స్‌ల్లోనే 10,964 పరుగులు సాధించాడు.
ప్రస్తుతం వన్డే చరిత్రలో అత్యధిక పరుగులు చేసిన భారత బ్యాటర్లలో నాలుగో స్థానంలో ఉన్నాడు.
ఈ జాబితాలో సచిన్ టెండూల్కర్ (18,426), విరాట్ కోహ్లీ (13,906), సౌరవ్ గంగూలీ (11,363) రోహిత్ కంటే ముందున్నారు. రెండో వన్డేలో రోహిత్ ఏడు సిక్సర్లు బాదాడు.
Details
అత్యధిక సిక్సర్ల బాదిన రెండో ప్లేయర్ గా రికార్డు
దీనితో వన్డే క్రికెట్‌ చరిత్రలో అత్యధిక సిక్స్‌లు (338) బాదిన రెండో బ్యాటర్‌గా నిలిచాడు.
మ్యాచ్‌కు ముందు వెస్టిండీస్ లెజెండ్ క్రిస్ గేల్ (331)తో రోహిత్ సంయుక్తంగా రెండో స్థానంలో ఉన్నాడు.
అయితే ఈ మ్యాచ్‌లో ఏడు సిక్సర్లు బాది గేల్ రికార్డును అధిగమించాడు. ఇక, ఈ జాబితాలో పాకిస్తాన్ మాజీ కెప్టెన్ షాహిద్ అఫ్రిది (351) అగ్రస్థానంలో కొనసాగుతున్నాడు.
ఈనెల 19 నుంచి ఛాంపియన్స్ ట్రోఫీ 2025 ప్రారంభం కానున్న విషయం తెలిసిందే. ఈ మెగా టోర్నీలో అఫ్రిది రికార్డును రోహిత్ బ్రేక్ చేసే అవకాశముంది.