అత్యంత చెత్త రికార్డును నమోదు చేసిన హిట్ మ్యాన్
ఐపీఎల్ 2023లో ముంబై ఇండియన్స్ కెప్టెన్ రోహిత్ శర్మ వైఫల్యం కొనసాగుతోంది. వరుసగా ఐదో మ్యాచ్ లోనూ సింగిల్ డిజిటేక్ పరిమితమయ్యాడు. ఆర్సీబీతో మంగళవారం జరిగిన మ్యాచ్ లో రోహిత్ కేవలం ఏడు పరుగులు చేసి హసరంగా బౌలింగ్ లో ఎల్బీగా వెనుతిరిగాడు. ఈ క్రమంలో ముంబై కెప్టెన్ రోహిత్ శర్మ ఐపీఎల్ లో అత్యంత చెత్త రికార్డును తన పేరిట రాసుకున్నాడు. ఐపీఎల్ లో వరుసగా ఐదు మ్యాచ్ ల్లో సింగిల్ డిజిట్ స్కోర్లకే రోహిత్ పరిమితం కావడం ఇదే తొలిసారి. ఈ సీజన్లో గత ఐదు మ్యాచ్ ల్లో వరుసగా 2, 3, 0, 0, 7 పరుగులతో పూర్తిగా నిరాశపరిచాడు
ఐపీఎల్ చరిత్రలో అత్యధికసార్లు రోహిత్ శర్మ డకౌట్
గతంలో 2017 ఐపీఎల్ లో వరుసగా నాలుగు మ్యాచ్ ల్లో హిట్ మ్యాన్ సింగిల్ డిజిట్ స్కోరుకే పరిమితమైన విషయం తెలిసిందే. తాజాగా తన చెత్త రికార్డును తానే బద్దలు కొట్టడం విశేషం. ఈ సీజన్లో రోహిత్ శర్మ 11 మ్యాచ్ లు ఆడి 191 పరుగులు మాత్రమే చేశాడు. ఇందులో ఓ అర్ధ సెంచరీ ఉంది. ఇక ఐపీఎల్ చరిత్రలో అత్యధిక సార్లు డకౌట్ అయిన బ్యాట్ మెన్స్ గా రోహిత్ శర్మ చెత్త రికార్డును నెలకొల్పాడు. ఐపీఎల్ లో రోహిత్ శర్మ ఇప్పటివరకూ 15 సార్లు డకౌట్ ఆయ్యాడు.
