RR Vs RCB: ఆర్సీబీ బౌలర్ల విజృంభణ.. 59 పరుగులకే రాజస్థాన్ ఆలౌట్
ఈ వార్తాకథనం ఏంటి
ఫ్లే ఆఫ్ రేసులో నిలవాలంటే తప్పక గెలవాల్సిన మ్యాచ్ లో ఆర్సీబీ ఘన విజయం సాధించింది. మొదట బ్యాటింగ్ చేసి భారీ స్కోరు చేయకపోయినా.. బౌలింగ్ లో మాత్రం అద్భుతంగా రాణించింది.
స్ట్రాంగ్ బ్యాటింగ్ లైనప్ ఉన్న రాజస్థాన్ ను కేవలంలో 59 పరుగులకే ఆలౌట్ చేసింది. దీంతో ఆర్సీబీ 112 పరుగులతో విజయఢంకా మోగించింది. రన్ రేట్ ను భారీగా పెంచుకొని ఫ్లే ఆఫ్స్ ఆశలను సజీవంగా ఉంది.
తొలుత బ్యాటింగ్ చేసిన ఆర్సీబీ 20 ఓవర్లలో 5 వికెట్ల నష్టానికి 171 పరుగులు చేసింది. కెప్టెన్ ఫాఫ్ డుప్లిసెస్ (55), మాక్స్ వెల్ (54), రావత్ (29) పరుగులతో రాణించారు. రాజస్థాన్ బౌలర్లలో ఆసీఫ్, జంపా రెండు వికెట్లతో రాణించారు.
Details
రాజస్థాన్ ఘోర ఓటమి
లక్ష్య చేధనకు దిగిన రాజస్థాన్ రాయల్స్ కి ఆరంభంలోని ఊహించని షాక్ తగిలింది. స్టార్ ఓపెనర్ యశస్వీ జైస్వాల్(0), జోస్ బట్లర్(0) డకౌట్ తో పెవిలియానికి చేరాడు.
ఎన్నో ఆశలతో బరిలోకి దిగిన కెప్టెన్ సంజు శాంసన్(4), జో రూట్ (10) పూర్తిగా నిరాశపరిచారు.
సిమ్రాన్ హిట్మేయర్ 19 బంతుల్లో 35 పరుగులు చేసి ఫర్వాలేదనిపించాడు. మిగతా బ్యాటర్లు సింగిల్ డిజిట్ కే పెవిలియానికి క్యూ కట్టారు. దీంతో రాజస్థాన్ 59 పరుగులతో ఘోరంగా ఓడిపోయింది.
ఆర్సీబీ బౌలర్లలో వేన్ పార్నెల్ 3 తో విజృంభించగా.. బ్రాస్ వెల్, కరణ్ శర్మ తలా రెండు వికెట్లతో రాణించారు.