Shakib Al Hasan: రిటైర్మెంట్ నిర్ణయాన్ని మార్చుకున్న షకీబ్.. మూడు ఫార్మాట్లకు సిద్ధం!
ఈ వార్తాకథనం ఏంటి
బంగ్లాదేశ్ మాజీ కెప్టెన్, స్టార్ ఆల్రౌండర్ షకీబ్ అల్ హసన్ తన రిటైర్మెంట్ నిర్ణయాన్ని మార్చుకున్నాడు. టెస్టులు, టీ20 ఫార్మాట్ల నుంచి తప్పుకుంటున్నట్లు గతంలో ప్రకటించిన షకీబ్, ఇప్పుడు మళ్లీ మూడు ఫార్మాట్లలోనూ జాతీయ జట్టుకు ప్రాతినిధ్యం వహించడానికి సిద్ధంగా ఉన్నట్లు వెల్లడించాడు. ఒకే సారి పూర్తిస్థాయి సిరీస్ ఆడి, ఆ తరువాత అన్ని ఫార్మాట్లకు గౌరవప్రదంగా వీడ్కోలు చెప్పాలనేది తన నిర్ణయం అని ఈఎస్పీఎన్ క్రిక్ఇన్ఫో నివేదించింది. మొయిన్ అలీ వ్యాఖ్యాతగా వ్యవహరించే ఒక పాడ్కాస్ట్లో మాట్లాడిన షకీబ్, "నేను అధికారికంగా ఏ ఫార్మాట్ నుంచీ రిటైర్ కాలేదు. బంగ్లాదేశ్కు వెళ్లి వన్డే, టెస్ట్, టీ20లతో కూడిన ఒక పూర్తి సిరీస్ ఆడి అనంతరం అన్ని ఫార్మాట్లకు గుడ్బై చెప్పాలనుకుంటున్నాను.
Details
దేశానికి దూరంగా షకీబ్
ఏ ఫార్మాట్ ముందు, ఏది తర్వాత అనేది ముఖ్యం కాదు. కానీ ఒక సిరీస్తో నా ప్రయాణాన్ని ముగించాలని కోరుకుంటున్నానని చెప్పాడు. ఇదిలా ఉండగా, బంగ్లాదేశ్లో ఆగస్టు 5న అవామీ లీగ్ ప్రభుత్వం కూలిన అనంతరం షకీబ్ దేశానికి దూరంగా ఉన్నాడు. 2024 మేలో ఆ పార్టీ తరఫున మాజీ ఎంపీగా ఉన్న ఆయన పేరు, ఒక హత్యకేసులో నమోదైన ఎఫ్ఐఆర్లో తెలిసింది. అయినప్పటికీ ఆ సమయంలో షకీబ్ దేశం వెలుపలే ఉన్నాడు. అనంతరం పాకిస్థాన్, భారత్లలో టెస్టు మ్యాచ్లు ఆడాడు. త్వరలోనే బంగ్లాదేశ్కు తిరిగి వచ్చే అవకాశం ఉందని నమ్ముతున్నాను.
Details
స్వదేశంలో ఒక సిరీస్ ఆడాలి
అందుకే ఇప్పుడు టీ20 లీగ్స్లో ఆడుతున్నాను. బంగ్లాదేశ్ అభిమానులు ఎప్పుడూ నన్ను నిలబెట్టారు. వారికి కృతజ్ఞతగా స్వదేశంలో ఒక సిరీస్ ఆడి గౌరవంగా వీడ్కోలు చెప్పాలని మాత్రమే నా కోరిక. ఆ సిరీస్లో నేను ఎలా ఆడానన్నది ముఖ్యం కాదు... వారికి ఏదైనా తిరిగి ఇవ్వాలనుకుంటున్నానని షకీబ్ స్పష్టం చేశాడు.