Shikhar Dhawan: పాకిస్థాన్ ఆటగాళ్లున్న జట్టులో శిఖర్ ధావన్ పేరు.. లీగల్ యాక్షన్‌కు సిద్ధం
ఈ వార్తాకథనం ఏంటి
టీమిండియా మాజీ ఓపెనర్ శిఖర్ ధావన్ ఓ టీ20 టోర్నమెంట్ నిర్వాహకులపై చట్టపరమైన చర్యలకు సిద్ధమయ్యాడు. తన అనుమతి లేకుండానే తన పేరును జట్టులో ప్రకటించడంపై తీవ్ర అభ్యంతరం వ్యక్తం చేశాడు. వరల్డ్ టీ20 కాంటినెంట్ కప్‌లో భాగంగా ఆసియా వారియర్స్ జట్టు ఆటగాళ్ల జాబితాను నిర్వాహకులు విడుదల చేయడంతో ఈ వివాదం తెరపైకి వచ్చింది. ఈ జాబితాలో శిఖర్ ధావన్‌తో పాటు భారత మాజీ క్రికెటర్లు రాహుల్ శర్మ, గుర్‌కీరత్ సింగ్ మాన్, అభిమన్యు మిథున్ పేర్లు ఉన్నాయి. వీరితో పాటు పాకిస్థాన్‌కు చెందిన సోహైల్ తన్వీర్, ఇఫ్తికార్ అహ్మద్, మహమ్మద్ ఇమ్రాన్ ఖాన్ సహా పలువురు ఆటగాళ్లకు కూడా ఆసియా వారియర్స్ జట్టులో చోటు కల్పించినట్లు ప్రకటించారు.
వివరాలు
వరల్డ్ టీ20 కాంటినెంట్ కప్‌తో నాకు ఎలాంటి సంబంధం లేదు: ధావన్
అయితే, తన పేరును నిర్వాహకులు అనుమతి లేకుండా ఉపయోగించడంపై ధావన్ తీవ్రంగా స్పందించాడు.
వరల్డ్ టీ20 కాంటినెంట్ కప్‌తో తనకు ఎలాంటి సంబంధం లేదని స్పష్టం చేశాడు.
ఈ టోర్నీలో తాను పాల్గొనడం లేదని వెల్లడించాడు. తన అనుమతి లేకుండా పేరును ఉపయోగించిన నిర్వాహకులపై న్యాయపరమైన చర్యలు తీసుకోనున్నట్లు ప్రకటించాడు.
ఈ విషయంపై శిఖర్ ధావన్ మాట్లాడుతూ.. వరల్డ్ టీ20 కాంటినెంట్ కప్‌లో పాల్గొనే ఆటగాడిగా తన పేరు కనిపించిందని తెలిపాడు.
తనకు ఎలాంటి సమాచారం ఇవ్వకుండా, అనుమతి తీసుకోకుండా నిర్వాహకులు తన పేరును ఉపయోగించారని పేర్కొన్నాడు.
దీనిపై తన న్యాయ బృందం చట్టపరమైన చర్యలు తీసుకుంటుందని స్పష్టం చేశాడు.
ఈ వ్యవహారాన్ని తాను తేలిగ్గా తీసుకోబోనని, బాధ్యులను కోర్టుకు లాగుతానని హెచ్చరించాడు.
వివరాలు
12 ఏళ్ల పాటు టీమిండియాకు సేవలు
ఈ అంశంపై మీడియా సంస్థలు, అభిమానులు ఎలాంటి అధికారిక ధ్రువీకరణ లేని ప్రకటనలను ప్రచురించవద్దని కోరాడు.
తనకు ఎల్లప్పుడూ ప్రేమ, మద్దతు అందిస్తున్న అభిమానులకు ధన్యవాదాలు తెలిపాడు.
భారత క్రికెట్‌లో 'గబ్బర్'గా గుర్తింపు పొందిన శిఖర్ ధావన్ 2010 నుంచి 2022 వరకు టీమిండియాకు ప్రాతినిధ్యం వహించాడు.
తన 12 ఏళ్ల అంతర్జాతీయ కెరీర్‌లో మూడు ఫార్మాట్లలో కలిపి ఎన్నో కీలక ఇన్నింగ్స్‌లు ఆడాడు.
34 టెస్టుల్లో 2,315 పరుగులు, 167 వన్డేల్లో 6,793 పరుగులు, 68 టీ20 అంతర్జాతీయ మ్యాచ్‌ల్లో 1,759 పరుగులు సాధించాడు. టెస్టుల్లో ఏడు శతకాలు, వన్డేల్లో 17 సెంచరీలు నమోదు చేశాడు.
వివరాలు
పాకిస్థాన్‌కు వ్యతిరేకంగా అభిప్రాయాన్ని వెల్లడించిన ధావన్
గతేడాది ఏప్రిల్‌లో పహల్గాం ఉగ్రదాడిని ధావన్ తీవ్రంగా ఖండించాడు.
ఆ తర్వాత మే నెలలో చేపట్టిన ఆపరేషన్ సిందూర్ సమయంలోనూ పాకిస్థాన్‌కు వ్యతిరేకంగా తన అభిప్రాయాన్ని బలంగా వెల్లడించాడు.
ఉగ్రవాదానికి వ్యతిరేకంగా భారత ప్రభుత్వం తీసుకున్న చర్యలను సమర్థిస్తూ సోషల్ మీడియాలో స్పందించాడు.
''ఉగ్రవాదానికి వ్యతిరేకంగా భారత ప్రభుత్వం తీసుకున్న చర్య అభినందనీయం. భారత్ మాతా కీ జై'' అంటూ ఆ సమయంలో ధావన్ ట్వీట్ చేశాడు.
ట్విట్టర్ పోస్ట్ చేయండి
శిఖర్ ధావన్ చేసిన ట్వీట్
I have come across my name as a participant in the World T20 Continent Cup. My name has been used by the organisers without my knowledge or permission, and my team will be taking the appropriate legal steps to address this.
— Shikhar Dhawan (@SDhawan25) October 13, 2026
I request the media and my fans to not report or rely…