వన్డే ప్రపంచ కప్ కోసం కివీస్ భారీ ప్లాన్.. మోస్ట్ సక్సెస్ ఫుల్ కోచ్‌కు ఆహ్వానం!
ఈ వార్తాకథనం ఏంటి
భారత్‌తో జరిగే వన్డే వరల్డ్ కప్ కి ముందు న్యూజిలాండ్ క్రికెట్ బోర్డు కీలక నిర్ణయం తీసుకుంది. ఆ జట్టు మాజీ కెప్టెన్, సీఎస్కే‌ను ఐదుసార్లు విజేతగా నిలపడంలో కీలక పాత్ర పోషించిన స్టీఫెన్ ఫ్లెమింగ్ కోచ్‌ను న్యూజిలాండ్ జట్టు తమ కోచింగ్ బృందంలోకి తీసుకుంది.
ఫ్లెమింగ్ ఐపీఎల్ ఆరంభం నుంచి చైన్నై సూపర్ కింగ్స్ కోచ్ గా వ్యవహరిస్తున్న విషయం తెలిసిందే. ఐపీఎల్ కారణంగా భారత్ పిచ్‌లపై ఫ్లెమింగ్ కు మంచి అవగాహన ఉండటంతో అతడిని కివీస్ జట్టు తమ కోచింగ్ స్టాఫ్ లోకి తీసుకుంది.
ఫ్లెమింగ్ కు ఉన్న ఆపార అనుభవం తమ జట్టుకు అదనపు ప్రయోజనం చేకూరుతుందని కివీస్ బోర్డు భావించినట్లు సమాచారం.
Details
బౌలింగ్ కోచ్ గా స్లయిన్ ముస్తాక్
వన్డే ప్రపంచ కప్ ముందు న్యూజిలాండ్ జట్టు, ఇంగ్లండ్, బంగ్లాదేశ్‌తో వన్డే సిరీస్‌లు ఆడనుంది. ఫ్లెమింగ్ తో పాటు సక్లయిన్ ముస్తాక్ (పాకిస్తాన్)ను బౌలింగ్ కోచ్‌గా.. ఇంగ్లండ్ మాజీ ప్లేయర్లు జేమ్స్ ఫోస్టర్, ఇయాన్ బెల్‌లను కూడా తమ కోచింగ్ టీమ్‌లోకి న్యూజిలాండ్ క్రికెట్ బోర్డు తీసుకుంది.
ఆగస్టు 30 నుంచి ఇంగ్లండ్ పర్యటనకు కివీస్ జట్టు బయలు దేరనుంది. ఈ పర్యటనలో కివీస్ నాలుగు వన్డేలు, నాలుగు టీ20లను ఆడనుంది.
ఈ పర్యటన తర్వాత కివీస్ బంగ్లాదేశ్ పర్యటనకు వెళ్లనుంది.