వన్డేల్లో అద్బుత రికార్డుకు చేరువలో స్టీవెన్ స్మిత్
ఈ వార్తాకథనం ఏంటి
ఆస్ట్రేలియా స్టార్ ఆటగాడు స్టీవెన్ స్మిత్ వన్డేలో అరుదైన రికార్డుకు చేరువలో ఉన్నాడు. వన్డేలో 5వేల పరుగులు చేయడానికి కేవలం 61 పరుగుల దూరంలో ఉన్నాడు.
టీమిండియాతో జరిగే మూడో వన్డేలో అతను ఈ ఫీట్ ను సాధించే అవకాశం ఉంది. వాంఖడేలో జరిగిన మొదటి వన్డేలో 22 పరుగులు చేశాడు. అయితే రెండో వన్డేలో టీమిండియాపై ఆస్ట్రేలియా పది వికెట్ల తేడాతో గెలుపొందింది. దీంతో స్మిత్ కు బ్యాటింగ్ చేసే అవకాశం రాలేదు.
ఈ ఫీట్‌ను స్మిత్ సాధిస్తే ఆస్ట్రేలియా తరుపున 5వేల పరుగులు పూర్తి చేసిన 17వ ప్లేయర్‌గా స్టీవెన్ స్మిత్ రికార్డు సృష్టించనున్నాడు. ఆస్ట్రేలియా తరుపున రికీ పాంటింగ్ 13,589 పరుగులతో అగ్రస్థానంలో ఉన్నాడు.
స్టీవెన్ స్మిత్
టీమిండియాపై స్టీవెన్ స్మిత్‌కు మెరుగైన రికార్డు
141 వన్డేల్లో స్మిత్ 44.90 సగటుతో 4,939 పరుగులు చేశాడు. ఇందులో 12 సెంచరీలను, 29 అర్ధసెంచరీలను బాదాడు. ఆస్ట్రేలియా తరుపున వన్డేల్లో అత్యధిక సెంచరీలు సాధించిన ఆటగాళ్లలో స్మిత్ ఆరో స్థానంలో ఉన్నాడు.
వన్డేల్లో ఆస్ట్రేలియా తరుపున రికి పాంటింగ్ 29 సెంచరీలు చేసి మొదటి స్థానంలో ఉన్నాడు.
స్వదేశంలో స్మిత్ 59 వన్డేలు ఆడి 56.80 సగటుతో 2,613 పరుగులు చేశాడు. విదేశాల్లో 57 వన్డేలాడిన స్మిత్ 34.06 సగటుతో 1,601 పరుగులు చేశాడు.
స్మిత్ కు టీమిండియాపై మెరుగైన రికార్డు ఉంది. భారత్‌తో జరిగిన 23 వన్డేల్లో స్మిత్ 60.26 సగటుతో 1,145 పరుగులు చేశాడు. ఇందులో ఐదు సెంచరీలను బాదాడు.