IPL 2023: ఈడెన్ గార్డన్స్ లో సన్ రైజర్స్ సూపర్ విక్టరీ
ఈ వార్తాకథనం ఏంటి
ఈ సీజన్‌లో ఎస్ఆర్ హెచ్ బ్యాటింగ్‌లో రఫ్పాడించింది. టాస్ ఓడి బ్యాటింగ్ దిగిన సన్ రైజర్స్ బ్యాటింగ్‌లో దూకుడును ప్రదర్శించింది. ముఖ్యంగా ఈడెన్ గార్డన్స్‌లో బౌండరీల వర్షం కురిపించింది. నిర్ణీత 20 ఓవర్లలో 4 వికెట్ల నష్టానికి 228 పరుగులు చేసింది.
హ్యారీ బ్రూక్ 55 బంతుల్లో 100 పరుగులతో విజృంభించారు. కెప్టెన్ మార్క్రమ్ 50 పరుగులు, అభిషేక్ శర్మ 35 పరుగులు చేయడంతో సన్ రైజర్స్ భారీ స్కోరును చేసింది.
కోల్ కతా బౌలర్లలో అండ్రీ రస్సెల్ 3 వికెట్లు, చక్రవర్తి 1 వికెట్ తీశారు.
భారీ లక్ష్య చేధనకు బరిలోకి దిగిన కోల్కత్తా 20 పరుగులకే 3 వికెట్లు కోల్పోయి పీకల్లోతు కష్టాల్లో పడింది.
నితీష్ రాణా
41 బంతుల్లో 71 పరుగులు చేసిన నితీష్ రాణా
కోల్‌కతా కెప్టెన్ నితీష్ రాణా, ఎన్.జగదీషన్ ఇన్నింగ్స్‌ను చక్కదిద్దే ప్రయత్నం చేశారు. వీలు చిక్కినప్పుడల్లా బౌండరీలను బాదారు.
ఈ క్రమంలో జగదీషన్ 36 పరుగులు చేసి మార్కెండ్ బౌలింగ్‌లో క్యాచ్ ఇచ్చి వెనుతిరిగాడు. అయినా కెప్టెన్ నితీష్ రాణా 71(41) పరుగులు చేసి జట్టును అదుకొనే ప్రయత్నం చేశాడు. నటరాజన్ బౌలింగ్ ఔట్ కావడంతో కోల్ కత్తా విజయావకాశాలు దెబ్బతిన్నాయి.
చివర్లో రింకూసింగ్ 30 బంతుల్లో 57 పరుగులు చేసి పోరాడినా ఫలితం లేకుండా పోయింంది. రన్‌రేట్ ఎక్కువగా ఉండటంతో కోల్ కతా 23 పరుగుల తేడాతో ఓడిపోయింది.
సన్ రైజర్స్ బౌలర్లలో మార్కో జాన్సన్, మార్కెండ్ రెండు వికెట్లు, భువనేశ్వర్ కుమార్, నటరాజన్, ఉమ్రాన్ మాలిక్ తలా ఓ వికెట్ తీశారు.