Tayyab Arif: తొలి టెస్టులోనే తయ్యబ్ అరిఫ్ రికార్డు బద్దలు.. పాక్ తరఫున ఫాస్టెస్ట్ ఫిఫ్టీ
ఈ వార్తాకథనం ఏంటి
పాకిస్థాన్ క్రికెట్‌లో యువ సంచలనం తయ్యబ్ అరిఫ్ అదరగొట్టాడు. 20 ఏళ్ల ఈ యువ బ్యాటర్ తాను ఆడుతున్న తొలి టెస్ట్ మ్యాచ్‌లోనే జాతీయ రికార్డును తిరగరాశాడు. శ్రీలంకతో రావల్పిండి వేదికగా జరుగుతున్న తొలి టెస్టులో అరంగేట్రం చేసిన అరిఫ్.. మెరుపు వేగంతో అర్ధశతకం బాది అందరి దృష్టిని ఆకర్షించాడు. కేవలం 46 బంతుల్లోనే ఫిఫ్టీ మార్క్ అందుకున్నాడు. దీంతో పాకిస్థాన్ తరఫున టెస్ట్ అరంగేట్రంలో అత్యంత వేగంగా హాఫ్ సెంచరీ చేసిన ఆటగాడిగా చరిత్ర సృష్టించాడు.
వివరాలు
తొలి ఇన్నింగ్స్‌లోనే దూకుడు
ఓపెనర్‌గా బరిలోకి దిగిన తయ్యబ్ అరిఫ్.. తొలి ఇన్నింగ్స్‌లో ఏమాత్రం బెరుకు లేకుండా శ్రీలంక బౌలర్లపై విరుచుకుపడ్డాడు.
కేవలం 51 బంతులు ఎదుర్కొని 9 ఫోర్లు, ఒక సిక్సర్‌తో 57 పరుగులు సాధించాడు. మరో ఓపెనర్ ఆజాన్ అవైస్‌తో కలిసి తొలి వికెట్‌కు 86 పరుగుల కీలక భాగస్వామ్యాన్ని నెలకొల్పాడు.
దూకుడుగా ఆడుతున్న క్రమంలో అసిత ఫెర్నాండో బౌలింగ్‌లో క్యాచ్ ఇచ్చి వెనుదిరిగాడు.
వివరాలు
పాక్ తరఫున అరుదైన రికార్డు
ఈ ప్రదర్శనతో అరిఫ్ తన ఖాతాలో అరుదైన రికార్డును వేసుకున్నాడు. గతంలో పాకిస్థాన్ తరఫున రజాఉల్లా 43 బంతుల్లోనే హాఫ్ సెంచరీ సాధించాడు.
అయితే అది అతడి రెండో ఇన్నింగ్స్‌లో కావడం గమనార్హం. తయ్యబ్ అరిఫ్ మాత్రం తన తొలి ఇన్నింగ్స్‌లోనే ఈ ఘనత సాధించాడు.
కాగా టెస్ట్ అరంగేట్రంలో అత్యంత వేగంగా అర్ధశతకం చేసిన ప్రపంచ రికార్డు మాత్రం దక్షిణాఫ్రికా ఆటగాడు డ్యూవాల్డ్ బ్రెవిస్ పేరిట ఉంది.
అతడు కేవలం 38 బంతుల్లోనే ఈ ఘనత అందుకున్నాడు.