చిన్ననాటి స్నేహితురాలిని పెళ్లాడిన టీమిండియా క్రికెటర్
ఈ వార్తాకథనం ఏంటి
టీమిండియా ఆటగాడు, కర్ణాటక పేసర్ ప్రసిద్ధ కృష్ణ తన చిన్ననాటి స్నేహితురాలు రచనా కృష్ణతో కలిసి ఏడడుగులు వేశాడు.
పసుపు వేడుకలతో మంగళవారం నిశ్చితార్థం చేసుకున్న ఈ జంట నేడు వైవాహిక జీవితంలోకి అడుగుపెట్టారు.
కొంతమంది కుటుంబ సభ్యులు, సన్నిహితులు మాత్రమే ఈ కార్యక్రమానికి హజరయ్యారు. ప్రసిద్ధ కృష్ణ స్నేహితురాలు రచనా కృష్ణ ప్రస్తుతం టెక్నీషియన్ గా పనిచేస్తోంది.
కంప్యూటర్ సైన్స్ అండ్ ఇంజినీరింగ్ లో డిగ్రీ పూర్తి చేసిన ఆమె అమెరికాలోని ఓ కంపెనీ జాబ్ చేస్తోంది. ప్రస్తుతం వీరి పెళ్లికి సంబంధించిన ఫోటోలు నెట్టింట్లో వైరల్ అయ్యాయి.
Details
టీమిండియా తరుపున 2021లో అరంగ్రేటం చేసిన ప్రసిద్ధ కృష్ణ
ప్రసిద్ధ కృష్ణ గత కొంతకాలంగా గాయంతో బాధపడుతున్నాడు. అతను ఐపీఎల్‌లో రాజస్థాన్ రాయల్స్ తరుపున ఆడాడు.
అతను మే 6, 2018లో ఐపీఎల్‌లో అరంగ్రేటం చేశాడు. ఇప్పటివరకూ 51 మ్యాచులాడిన అతను 34.76 సగటుతో 49 వికెట్లను తీశాడు.
అదే విధంగా టీమిండియా తరుపున కృష్ణ 2021లో ఇంగ్లండ్‌తో జరిగిన వన్డే మ్యాచ్ ద్వారా అంతర్జాతీయ అరంగేట్రం చేశాడు. మొత్తం 14 వన్డేలు ఆడి మొత్తం 25 వికెట్లు పడగొట్టాడు.
ప్రసిద్ధ కృష్ణ పెళ్లి వేడుకకు టీమిండియా ఆటగాళ్లు బుమ్రా, శ్రేయస్ అయ్యర్, మయాంక్ అగర్వాల్ హజరయ్యారు.