Anvay Dravid: అండర్‌-19 ముక్కోణపు సిరీస్‌కి జట్లు ఫైనల్‌.. ద్రవిడ్‌ కుమారుడికి ఎంట్రీ!
ఈ వార్తాకథనం ఏంటి
భారత క్రికెట్‌ నియంత్రణ మండలి (BCCI) ఆధ్వర్యంలో జరగనున్న అండర్‌-19 ముక్కోణపు సిరీస్‌కు సంబంధించి జూనియర్‌ సెలక్షన్‌ కమిటీ జట్లను ప్రకటించింది. ఈ సిరీస్‌లో భారత్‌ 'ఎ', భారత్‌ 'బి' జట్లతో పాటు అఫ్గానిస్తాన్‌ అండర్‌-19 టీమ్‌ మూడో జట్టుగా పోటీ పడనుంది.
Details
హైదరాబాదు ఆటగాళ్లకు బంపర్‌ అవకాశం
ఈ సిరీస్‌లో భారత్‌ 'బి' జట్టుకు కెప్టెన్‌గా హైదరాబాద్‌ యువ ఆటగాడు ఆరోన్‌ జార్జ్‌ ఎంపికయ్యాడు. మరోవైపు భారత్‌ 'ఎ' టీమ్‌ సారథ్య బాధ్యతలను పంజాబ్‌కు చెందిన విహాన్‌ మల్హోత్రా చేపట్టనున్నాడు. ఇటీవల జరిగిన బీసీసీఐ అండర్‌-19 టోర్నమెంట్‌ 'వినూ మాంకడ్‌ ట్రోఫీ'లో హైదరాబాద్‌ జట్టు విజేతగా నిలిచిన విషయం తెలిసిందే. ఆ జట్టుకు కూడా ఆరోన్‌నే కెప్టెన్‌గా వ్యవహరించాడు. ఈ విజయంతో పాటు మెరుగైన ప్రదర్శన ఆధారంగా హైదరాబాద్‌ జట్టు నుండి నలుగురు ఆటగాళ్లు ఈ ముక్కోణపు సిరీస్‌లో చోటు సంపాదించారు. వీరిలో 'బి' జట్టులో కెప్టెన్‌ ఆరోన్‌ జార్జ్‌ ఉన్నాడు. 'ఎ' జట్టులో వాఫీ కచ్చి, రాపోలు అలంకృత్‌ (వికెట్‌ కీపర్‌), మొహమ్మద్‌ మాలిక్‌ లకు అవకాశం లభించింది.
Details
ద్రవిడ్‌ తనయుడికి గోల్డెన్‌ ఛాన్స్‌
భారత దిగ్గజ బ్యాట్స్‌మన్‌ రాహుల్‌ ద్రావిడ్‌ కుమారుడు అన్వయ్‌ ద్రవిడ్‌ (Anvay Dravid) ఈ సిరీస్‌లో భారత్‌ 'బి' జట్టుకు వికెట్‌ కీపర్‌గా ఎంపికయ్యాడు. ప్రస్తుతం కర్ణాటక తరఫున జూనియర్‌ క్రికెట్‌ ఆడుతున్న 16 ఏళ్ల అన్వయ్‌ ఇటీవల వినూ మాంకడ్‌ ట్రోఫీలో కర్ణాటక జట్టుకు కెప్టెన్‌గా వ్యవహరించాడు. అలాగే ఈ నెలలో హైదరాబాద్‌లో జరిగిన అండర్‌-19 వన్డే ఛాలెంజర్‌ ట్రోఫీలో 'భారత్‌ సి' తరపున ప్రాతినిధ్యం వహించాడు. అండర్‌-16 స్థాయిలోనూ అన్వయ్‌ అద్భుత ప్రతిభ కనబరుస్తూ ముందుకు సాగుతున్నాడు.
Details
కర్ణాటక తరుపున టాప్ స్కోరర్
విజయ్‌ మర్చంట్‌ ట్రోఫీ (అండర్‌-16) 2023-24 సీజన్‌లో అన్వయ్‌ అత్యుత్తమ ప్రదర్శన కనబరచాడు. ఐదు మ్యాచ్‌ల్లో 45 సగటుతో 357 పరుగులు సాధించి కర్ణాటక తరఫున టాప్ రన్‌ స్కోరర్‌గా నిలిచాడు. అంతేకాకుండా ఒక ఇంటర్‌-జోనల్‌ మ్యాచ్‌లో అజేయ డబుల్‌ సెంచరీతో తన ప్రతిభను చాటుకున్నాడు. ఈ ఫారమ్‌ను కొనసాగిస్తే త్వరలోనే జూనియర్‌ టీమ్‌ నుంచి భారత అండర్‌-19 జట్టులోకి అతడికి అవకాశం లభించే అవకాశముంది.
Details
భారత్‌ అండర్‌-19 'ఎ' జట్టు
విహాన్‌ మల్హోత్రా (కెప్టెన్‌), అభిజ్ఞాన్‌ కుందు (వైస్‌ కెప్టెన్‌/వికెట్‌ కీపర్‌), వాఫీ కచ్చి, వంశ్‌ ఆచార్య, వినీత్‌ V.K, లక్ష్య రాయచందానీ, రాపోలు అలంకృత్‌ (వికెట్‌ కీపర్‌) కనిష్క్‌ చౌహాన్‌, ఖిలాన్‌ పటేల్‌, అన్మోల్‌జీత్‌ సింగ్‌, మొహమ్మద్‌ ఇనాన్‌, హెనిల్‌ పటేల్‌, అశుతోష్‌ మహిదా, ఆదిత్య రావత్‌, మొహమ్మద్‌ మాలిక్‌. భారత్‌ అండర్‌-19 'బి' జట్టు ఆరోన్‌ జార్జ్‌ (కెప్టెన్‌)**, వేదాంత్‌ త్రివేది, యువరాజ్‌ గోహిల్‌, మౌల్యరాజాసిన్హ్‌ చావ్డా, రాహుల్‌ కుమార్‌, హర్‌వన్ష్‌ సింగ్‌ (వికెట్‌ కీపర్‌), అన్వయ్‌ ద్రవిడ్‌ (వికెట్‌ కీపర్‌), ఆర్‌ఎస్‌ అంబరీశ్‌ బీకే కిషోర్‌, నమన్‌ పుష్పక్‌, హేముచుందేషన్‌ జె, ఉద్ధవ్‌ మోహన్‌, ఇషాన్‌ సూద్‌, డి దీపేశ్‌, రోహిత్‌ కుమార్‌ దాస్‌.