తెలుగు కుర్రాడు రీ ఎంట్రీ.. ఆర్సీబీతో తలపడే ముంబై జట్టు ఇదే!
ఇండియన్ ప్రీమియర్ లీగ్ 2023 కీలక దశకు చేరుకుంది. అన్ని జట్లు పదేసి మ్యాచ్ లు ఆడేశాయి. ప్లే ఆఫ్స్ చేరే చివరి రెండు స్థానాల కోసం చాలా జట్లు పోటీ పడుతున్నాయి. ఈ రేసులో ముంబై ఇండియన్స్, రాయల్ ఛాలెంజర్స్ బెంగళూరు మధ్య నేడు బిగ్ ఫైట్ చేరింది. సీజన్ ప్రారంభంలో ఇరు జట్లు చిన్నస్వామి స్టేడియంలో తలపడ్డాయి. ఆ మ్యాచ్ లో ముంబై బ్యాటర్లు తేలిపోవడంతో ఆర్సీబీ విజయం సాధించింది. ప్రస్తుతం ముంబై బ్యాటర్లు ఫామ్ లోకి రావడం ఆ జట్టుకు కలిసొచ్చే అంశం. ఈ మ్యాచ్ లో ఎలాగైనా గెలవాలని ముంబై పటిష్టమైన ఆటగాళ్లను బరిలోకి దింపాలని భావిస్తోంది.
ముంబై ఇండియన్స్ జట్టులోని సభ్యులు
చైన్నై మ్యాచ్ కు దూరమైన తెలుగు కుర్రాడు తిలక్ వర్మ్ తిరిగి జట్టులోకి చేరే అవకాశం ఉంది. ఇక మిగతా బ్యాటర్లు రాణిస్తున్నా.. కెప్టెన్ రోహిత్ శర్మ పేలవ ప్రదర్శన కొనసాగిస్తున్నాడు. అర్జున్ టెండుల్కర్ స్థానంలో కుమార్ కార్తికేయను జట్టులోకి తీసుకోనున్నట్లు సమాచారం. చివరి మ్యాచ్ లో స్టబ్స్ విఫలం కావడంతో బ్రెవిస్ ను ఆడించాలని ముంబై మొగ్గు చూపుతోంది. ముంబై జట్టు (అంచనా): రోహిత్ శర్మ (కెప్టెన్), ఇషాన్ కిషన్, కామెరూన్ గ్రీన్, సూర్యకుమార్ యాదవ్, తిలక్ వర్మ, టిమ్ డేవిడ్, నేహాల్ వధీర, జోఫ్రా ఆర్చర్, మహమ్మద్ అర్షద్ ఖాన్, పీయూష్ చావ్లా, ఆకాష్ మంధ్వాల్
