ఒక్క సెంచరీకే హ్యారిబ్రూక్ కథ అయిపోయింది.. దారుణంగా ట్రోల్స్!
ఈ వార్తాకథనం ఏంటి
ఐపీఎల్ 2023 సీజన్‌లో సన్ రైజర్స్ స్టార్ ఆటగాడు హ్యారీ బ్రూక్ పేలవ ప్రదర్శన కొనసాగుతోంది.
ఉప్పల్ స్టేడియంలో ఢిల్లీ పై జరిగిన మ్యాచ్ లో బ్రూక్ దారుణంగా విఫలమయ్యాడు. కేవలం 14 బంతుల్లో 7 పరుగులు చేసి నోర్జ్ బౌలింగ్ లో బౌల్డ్ అయ్యాడు. దీంతో సన్ రైజర్స్ హైదరాబాద్ అభిమానులు అతనిపై మండిపడుతున్నారు.
రూ.13.25 కోట్ల భారీ ధరకు హ్యారీ బ్రూక్ ను సన్ రైజర్స్ కొనుగోలు చేసిన విషయం తెలిసిందే. ఈ సీజన్ లో 7 మ్యాచ్ లు ఆడిన బ్రూక్ మొత్తంగా 163 పరుగులు చేశాడు. అందులో కేకేఆర్‌తో జరిగిన మ్యాచ్‌లో సెంచరీని చెయ్యగా మిగితా 6 మ్యాచ్‌ల్లో అతడు కేలం 63 పరుగులు మాత్రమే చేశాడు.
Details
బ్రూక్ స్థానంలో ఫిలిప్స్ కు అవకాశం కల్పించాలి
పాకిస్థాన్ పిచ్ లపై విజృంభించే హ్యారీ బ్రూక్.. భారత్ పిచ్‌ల్లో దారుణంగా విఫలమవుతున్నాడని నెటిజన్లు విమర్శలు చేస్తున్నారు. హ్యారీ బ్రూక్ కోసం రూ.13.25 కోట్లే దండుగ అంటూ ఫ్యాన్స్ కామెంట్లు పెడుతున్నారు.
ఇక ఒక సెంచరీకే బ్రూక్ కథ అయిపోయిందని, అతన్ని జట్టులో నుంచి తప్పించి గ్లేన్ ఫిలిప్స్ ను ఆడించాలని పలువురు డిమాండ్ చేస్తున్నారు.
అయితే మిగతా మ్యాచ్ ల్లో అయినా హ్యారీ బ్రూక్ రాణిస్తాడో లేదో చూడాలి.